مێسى ل هاڤينێ دێ چيته دناڤ رێزێن كيژ يانهيێ دا؟
گاڤ
هێرشبهرهكێ ئهرجهنتينى يێ بهرێ يێ يانهيێن مانچستهر ستى و بهرشلۆنا پاشهرۆژا ليۆنێل مێسى و يانهيا بهێت يا دێ گرێبهستێ ل گهل گرێدهت، ئاشكرا كر.
گرێبهستا مێسى ل گهل پاريس سان جێرمان يا فرهنسى ل هاڤينا بهێت دێ ب دويماهيك هێت و تا نوكه ههردو لايهن ل سهر نويكرنا گرێبهستێ نهگههشتينه رێككهفتنێ.
سێرجيۆ ئهگوێرۆ د داخۆيانيهكێ دا بۆ تۆڕا UOL راگههاند؛ مێسى ب رژدى هزر د ياريكرنێ دا بۆ يانهيا نيۆلز ئۆلد بۆيس يا ئهرجهنتينى دكهت.
مێسى د يانهيا ناڤهاتى دا گهشهكربوو و د قووناغێن جودا جودا ل گهل بۆرى بوو.
رۆژنامهيا موندۆ دێپۆرتيڤۆ يا كهتهلۆنى د ڤى وارى دا بهلاڤكريه "داخۆيانيا ئهگوێرۆى بوويه جهێ گرنگيپێدانێ بۆ ههميان، ب تايبهت ل بن سيبهرا پهيوهنديا وى يا ب هێز ل گهل مێسى".
رۆژنامهيا لۆ پاريسيان يا فرهنسى ژ بهرى نوكه بهلاڤكربوو كو ئهنتونێلا ههڤژينا مێسى حهز دكهت ل فلۆريدا بژيت لهوا وێ دڤێت مێسى بچيته دناڤ رێزێن ئينتهر مايامى يا ئهمريكى دا.
مێسى ل ديسهمبهرا سالا بۆرى ناسناڤێ مونديالا قهتهر 2022 بۆ جارا ئێكێ د كاروانێ خۆ يێ وهرزشى دا ل گهل ههلبژارتيێ ئهرجهنتين بدهستڤهئينابوو و ئهرجهنتين ب وى ناسناڤى بوويه خۆدانا 3 ناسناڤێن قارهمانيێ د ديرۆكا خۆ دا.