په‌رله‌مانتاره‌ك: توركيا شه‌ڕێ ئاڤێ ل دژى ئيراقێ راگه‌هاندیه
بەلاڤ بکە
گاڤ
سه‌رۆكێ لژنه‌يا چاندنێ و ئاڤێ يا په‌رله‌مانێ ئيراقێ ئه‌ڤرۆ شه‌مبيێ دياركر كو توركيا شه‌ڕ ل دژى ئيراقێ ب رێكا قوتكرنا ئاڤێ راگه‌هانديه و داخوازيه‌ك ژ سه‌رۆكوه‌زير و سه‌رۆككۆمارێ ئيراقێ كر.
فالح خه‌زعه‌لى د به‌يانه‌كێ دا داخواز ژ محه‌مه‌د شياع سوودانى سه‌رۆكوه‌زيرێ ئيراقێ و عه‌بدولـله‌تيف ره‌شيد سه‌رۆككۆمارێ ئيراقێ كر كو ژ نزيك ڤه هايدارى رێژه‌يێن ئاڤێ يێن ژ توركيا دگه‌هنه ئيراقێ ببن و دياركر؛ د نوكه دا 125 م چ يێن ئاڤێ ژ رويبارێ ديجله و 220 م چ ژ رويبارى فوورات دگه‌هنه ئيراقێ.
ناڤهاتى گۆت ژى "توركيا ئاڤ ژ ئيراقێ قۆتكريه و شه‌ڕ ب ڤێ رێكێ ل دژى ئيراقێ راگه‌هانديه".
زێده ژى كر: ئه‌م ل هه‌مبه‌ر ئالنگاريه‌كێ نه كو ناڤێ وێ تێهنه.
ژماره‌يه‌كا پسپۆران هوشداريێن به‌رده‌وام ژ قه‌يرانه‌كا ئاڤێ د پاشه‌رۆژێ دا ل ئيراقێ ژ ئه‌گه‌رێ ئاڤاكرنا ژماره‌يه‌كا به‌نداڤان ل توركيا وه‌ك ئليسۆ هه‌روه‌سا ئاڤكرنا ئيرانێ بۆ ژماره‌يه‌كا به‌نداڤان ل سه‌ر رويبارێن دهێنه دناڤ ئيراقێ دا دده‌ن.
