دهۆك وه‌كهه‌ڤ بوو و نه‌ورۆز و زاخۆ تووشى دۆڕاندنێ بوون
بەلاڤ بکە
گاڤ
يانه‌يا دهۆك ل ياريگه‌ها خۆ ل گه‌ل يانه‌يا زه‌ورا وه‌كهه‌ڤ بوو و هه‌ردو يانه‌يێن نه‌ورۆز و زاخۆ تووشى دۆڕاندنێ د گه‌ڕا 19 ژ خۆلا ئيراقێ يا فوتبۆلێ دا بوون.
يانه‌يا دهۆكێ ئه‌ڤرۆ چارشه‌مبيێ ل ياريگه‌ها خۆ د چارچووڤه‌يێ گه‌ڕا 19 دا ژ خۆلا پله‌ناياب يا ئيراقێ ب 1-1 ل گه‌ل مێهڤانا خۆ زه‌ورا وه‌كهه‌ڤ بوو.
نيڤا ئێكێ يا ياريێ ب بێ گۆل ب دويماهيك هات و ل خۆله‌كا 73 ژ ياريێ يانه‌يا دهۆك ب رێكا پرينس ئوپوكۆ پيشه‌كارێ خۆ يێ غانى گۆلا پێشكه‌فتنێ تۆماركر.
يانه‌يا زه‌ورا گۆلا وه‌كهه‌ڤيێ ل خۆله‌كا 77 ژ لايێ ياريكه‌رێ خۆ لوئه‌ى عانى ڤه ب لێدانا پێنالتيێ تۆماركر.
ب ڤى ئه‌نجامى، يانه‌يا دهۆك خالێن خۆ گه‌هاندنه 32 خالان ل رێزا شه‌شێ د رێزبه‌نديا خۆلێ دا و يانه‌يا زه‌ورا ب 34 خالان ل رێزا پێنجێ دهێت.
هه‌ر د چارچووڤه‌يێ گه‌ڕا 19 دا، يانه‌يا نه‌ورۆز ل ياريگه‌ها شه‌عب ب گۆله‌كێ بێ به‌رانبه‌ر ل گه‌ل يانه‌يا جه‌ويه هاته دۆڕاندن.
د ده‌مه‌كێ دى دا ژ ئه‌ڤرۆ، يانه‌يا زاخۆ ژى 2-3 ل سه‌ر ده‌ستێ يانه‌يا نه‌فت وه‌سه‌ت ل سه‌ر ئه‌ردێ ياريگه‌ها فه‌يحا هاتبوو دۆڕاندن.
