گاڤ

ده‌هـ كه‌سان ئه‌ڤرۆ چارشه‌مبيێ ژ ئه‌نجامێ له‌هيان ل دو ده‌ڤه‌رێن باشوورێ رۆژهه‌لاتێ توركيا يێن ژ به‌رى نوكه‌ به‌ر هه‌ردو ئه‌ردهه‌ژێن 6ى شوباتا بۆرى كه‌فتين، گيانێ خۆ ژده‌ستدان.
ئاژانسا ئه‌نادۆل به‌لاڤكريه‌؛ نه‌هـ كه‌سان ل باژێڕێ شانلى ئۆرفا ژ به‌ر له‌هيان گيانێ خۆ ژده‌ستدان كو پێنج ژ وان سوورى بوون و ته‌رمێن وان ل نهۆمێ ئێكێ يێ ئێك ژ ئاڤاهيان هاتنه‌ ديتن.
هه‌روه‌سا كه‌سه‌كى دى ل پارێزگه‌ها ئه‌ديامان يا هه‌ڤسوو ل گه‌ل شانلى ئۆلفا گيانێ خۆ ژده‌ستدا.
پتر ژ 48 هزار كه‌سان ب تنێ ل توركيا ژ ئه‌نجامێ ئه‌ردهه‌ژێن 6ى شوباتێ گيانێ خۆ ژده‌ستداينه‌.
پێله‌كا له‌هييان ب سه‌ر باشوورێ توركيا دا ژ ئه‌نجامێ نزمبوونا فشارا هه‌واى هه‌ر ژ ئه‌ڤرۆ چارشه‌مبيێ گرتينه‌.