دههـ باشترين فرۆكهخانهيێن جيهانێ يێن سالا 2023 كيژن؟
گاڤ
دههـ باشترين فرۆكهخانهيێن جيهانێ يێن سالا 2023 هاتنه دهستنيشانكرن و فرۆكهخانهيا شانى ل سێنگاپۆر ل رێزا ئێكێ بۆ جارا 12 د ديرۆكا خۆ دا هات.
سكاى تراكس كۆمپانيا لێكۆلينان ل دۆر ڤهگوهاستنا ئاسمانى خهلاتێن فرۆكهخانهيێن نێڤدهولهتى يێن سالا 2023 بهلاڤكرن.
فرۆكهخانهيا شانى ژ سالا 2013 تا سالا 2020 بۆ 8 سالان ل دويڤ ئێك وهك باشترين فرۆكهخانه هاتبوو دهستنيشانكرن لێ د ههردو سالێن بۆرى دا رێزبهنديا خۆ بۆ فرۆكهخانهيێن حهمهد يا نێڤدهولهتى ل دهوحه و هانيدا ل ژاپۆنێ ژدهستدابوو.
تۆڕا CNBC بهلاڤكريه؛ سكاى تراكس د بهريكانهيا ئهڤ ساله دا، بۆچوونێن گهشتيارێن نێڤدهولهتى يێن پتر ژ 100 وهلاتان وهرگرتينه و ژمارهيهكا فاكتهرێن وهكى شۆپينگ، تۆماركرنا چوونا ژوور، گههشتن، ترانزێت، ئێمناهى و كۆچبهرى ل بهرچاڤ وهرگرتينه.
رێزبهنديا 10 باشترين فرۆكهخانه بۆ سالا 2023 ب ڤى رهنگى يه: 1. فرۆكهخانهيا شانى ل سێنگاپۆر، 2. فرۆكهخانهيا حهمهد ل دهوحهيا پايتهختێ قهتهرێ، 3. فرۆكهخانهيا هانيدا ل ژاپۆنێ، 4. فرۆكهخانهيا ئينشن ل كۆريا باشوور، 5. فرۆكهخانهيا پاريس ل فرهنسا، 6. فرۆكهخانهيا ستهنبۆل ل توركيا، 7. فرۆكهخانهيا ميۆنشن ل ئهلمانيا، 8. فرۆكهخانهيا زيۆريخ ل سويسرا، 9. فرۆكهخانهيا ناريتا ل ژاپۆنێ، 10. فرۆكهخانهيا مهدريد- باراخاس ل ئسپانيا.