بۆچى نابیت شریناهى پشتى فتارێ بهێته خوارن؟
03/24/2023 - 17:54
گاڤ
گهلهك كهس پشتى فتارێ شرینیان دخۆن لێ ل گۆرهى پسپۆران ڤێ چهندێ ژمارهیهكا زیانێن ساخلهمیێ ههنه.
ل گۆرهى مالپهرێن ساخلهمیێ؛ خوارنا شرینیان پشتى فتارێ دبیته ئهگهرێ تێكچوونا كریارا ههرسكرنا خوارنێ، قهبزبوونێ و پهیدابوونا گازان د گهدهى دا.
ژ بهر ههبوونا ژمارهیهكا مهزن ژ دوهنى و شهكرێ دناڤ شرینیان دا، دهمێ ل سهر گهدهیێ تژى ژ خوارنێ دهێنه خوارن، ب زهحمهت دهێنه ههرسكرن.
ههروهسا ئهڤ رهفتاره دبیته ئهگهرێ زێدهبوونا شهكرا خوینێ چونكى ل گهل گهلهك خوارنێ، رێژهیا وێ زێده دبیت.
ژ زیانێن دى یێن خوارنا شرینیان پشتى فتارێ، دبیته ئهگهرێ زێدهبوونا كێشا لهشى ژ بهر ههبوونا رێژهیهكا مهزن ژ كالۆریان تێدا ههروهسا دبیته ئهگهرێ ههودانا رویڤیكان و كرمیبوونا ددانان.