گاڤ

تیمه‌كا زانستى یا ئه‌مریكى ئامیره‌یه‌ك دروستكرن كو د 10 چركه‌یان دا تێستا كۆرۆنایێ ئه‌نجامدده‌ت.

وێ تیمێ ئه‌ڤرۆ پێنجشه‌مبیێ پێشڤه‌برنا ئامیره‌یه‌كێ نوى یێ ب له‌ز كو دشێت د 10 چركه‌یان دا تێستا ڤایرۆسێ كۆرۆنایێ هه‌روه‌سا تێستا ئینفلوێنزایێ ئه‌نجامبده‌ت، راگه‌هاند.

ئه‌ڤ ئامیره‌یێ نوى یێ تێستێ، گه‌له‌ك ژ ئامیره‌یێن دى یێن به‌رده‌ست بۆ تێستا ڤایرۆسێ كۆرۆنایێ بله‌زتره‌.

ئاژانسان به‌لاڤكرینه‌؛ زانایێن ئه‌مریكى ب رێكا بكارئینانا گرافینێ كو چینه‌كه‌ ژ ئه‌تۆمێ كاربۆنێ ب شێوه‌یه‌كێ تۆرا شه‌ش گۆشه‌یێ هاتیه‌ رێكخستن، ئه‌و ئامیره‌یه‌ دروستكرینه‌.

زانایان دژه‌ته‌نێن ژ لایێ له‌شێ مرۆڤى ڤه‌ دهێنه‌ به‌رهه‌مئینان ب گرافینێ ڤه‌ گرێداینه‌.

ده‌مێ سامپله‌ك ژ كه‌سێ تووشبووى ل سه‌ر ئامیره‌ى دهێته‌ دانان، دێ دژه‌ته‌ن ب پرۆتینێ ئارمانجكه‌ر ڤه‌ هێته‌ گرێدان و ئه‌ڤ چه‌نده‌ دبیته‌ ئه‌گه‌رێ گوهۆڕینێ د هێلا كاره‌بێ دا.

هه‌روه‌سا وێ تیمێ پرۆتینێن ڤایرۆسێن ئینفلوێنزایێ و كۆڤید-19 یێ كو ب رێكا شله‌یه‌كێ وه‌كى تفێ ڤه‌ دهێنه‌ گرێدان بكارئیناینه‌ و بۆ وان دیاربوویه‌ كو هه‌ستپێكه‌ر ب له‌ز ب هه‌بوونا پرۆتینێ سپایك یێ ڤایرۆسى دحه‌سیت خۆ ئه‌گه‌ر ب رێژه‌یێن كێم ژى هه‌بیت.

دیجى ئه‌كینواندى ژ زانكۆیا تێكساس ل ئۆستن د ڤى ده‌رباره‌ى دا گۆت "نیشانێن نه‌خۆشیا كۆڤید-19 و ئینفلوێنزایێ تا رادده‌یه‌كێ مه‌زن د هه‌ڤشێوه‌نه‌ و ب زه‌حمه‌ت ژێك دهێنه‌ جوداكرن".

ئه‌و تیمه‌ د وێ باوه‌ریێ دایه‌ كو د شیان دایه‌ گوهۆڕینێن دى ژى د ئامیره‌یێ وان دا بهێنه‌ كرن دا كو بشێت تێستێ بۆ هنده‌ك نه‌خۆشیێن دى ژى ئه‌نجامبده‌ت.