ئاسایشا ههولێرێ دهستهسهركرنا تۆمهتبارهكێ راگههاند
گاڤ
ئاسایشا ههولێرێ ئهڤرۆ ئهینیێ دهستهسهركرنا تۆمهتبارهكێ راگههاند.
رێڤهبهریا ئاسایشا ههولێرێ بهلاڤكریه؛ د رۆژێن بۆرى دا، گرتهیهكا ڤیدیۆیى د سوشیال میدیایێ دا بهلاڤببوو كو تێدا هندهك كهسێن گهنج دیار دبن، ل سهر كێشهیهكا جڤاكى دناڤبهرا وان دا، دهستدرێژى ب لێدانێ و پاشى سهرتراشینێ ل سهر ئێك ژ وان ب ناڤێ (دانى سویدى) دهێته كرن.
دیار ژى كریه "ئهڤ رویدانه ل رۆژا 14/3/2023 بوو و مه وهك رێڤهبهریا ئاسایشا ههولێرێ د ههمان رۆژ دا تۆمهتبار (كهیفى سابر ئهحمهد) دهستهسهركر و نوكه ل دهف مه بهندكریه و دێ رێكارێن یاسایى ل ههمبهر هێنه وهرگرتن".
تێدا هاتیه ژى؛ وهلاتیان پشتراست دكهین كو چ كهس ژ یاسایێ بلندتر نینن و ههر كهسهكێ ژ لایێ دادگههان ڤه داخوازكرى بیت یان مافێن وهلاتیان بنپێبكهت، دێ هێته دهستهسهركرن و رویبروى یاسایێ هێته كرن.