گاڤ - تایبەت
بریارە رۆژا شه‌مبیا بهێت سەرۆک نێچیرڤان بارزانى بچیتە بەغدا و ل گەل هەمى هێزێن پێکئینەر یێن حکومەتا ئیراقێ کۆمبیت.
ل گۆرەى زانیاریێن گاڤ، رۆژا شەمبییا بهێت سەرۆک نێچیرڤان بارزانى دێ چیتە بەغدا و بۆ جارا دویێ پشکدارى کۆمبوونا هەڤپەیمانییا برێڤەبرنا دەولەتێ بیت کو ژ هەمى هێزێن پێکئینەر یێن حکومەتا ئیراقێ پێکدهێت.
د کۆمبوونێ دا دێ بەحسێ رەوشا نوکە یا ئیراقێ و سەرەدانا ڤێ حەفتییێ یا ئەردۆگانى بۆ هەولێر و بەغدا و چەوانییا ب ئێکجارى چاڕەکرنا پرسێن هەلاویستى یێن هه‌ولێر و به‌غدایێ هێتەکرن.
د دوماهی كۆمبوونا هه‌ڤپه‌یمانییا برێڤەبرنا ده‌وله‌تێ دا كو ب ئاماده‌بوونا سه‌رۆك نێچیرڤان بارزانى هاتبووکرن، لایه‌نێن هەڤپەیمانیێ پێشوازیەکا گەرم ل سەرۆک نێچیرڤان بارزانى کربوو و ب گاڤەکا رژد بۆ چارەکرنا کێشەیا مووچەیێ فەرمانبەران و هەمى کێشەیێن دى یێن هەلاویستى ل قەلەم دابوو.