سودانى: دانا موچه‌یێن خه‌لكێ هه‌رێمێ ئه‌ركێ حكومه‌تا ئیراقێ یه
بەلاڤ بکە
گاڤ
سه‌رۆكوه‌زیرێ ئیراقێ راگه‌هاند، دانا موچه‌یێن خه‌لكێ هه‌رێما كوردستانێ نه مزگینى یان قه‌نجیه‌كه به‌لكو ئه‌ركێ حكومه‌تا ئیراقی یه، گۆت ژى، وى باوه‌ریه‌كا تمام ب دینارێ ئیراقێ هه‌یه و ره‌وشا دارایی یا ئیراقێ دێ باشتر لێهێت.
محه‌مه‌د شیاع سودانى د دیداره‌كێ دا دگه‌ل هژماره‌كا رۆژنامه‌ڤان دا دا باس ل بودجه‌یا ئیراقێ و كێشه‌یێن نێڤبه‌را هه‌ولێر و به‌غدایێ و هنارتنا پترۆلا هه‌رێمێ كر.
سودانى ل دۆر راگرتنا پترۆلا هه‌رێما كوردستانێ گۆت: ڤێ كێشه‌یێ بتنێ زیان بۆ هه‌رێمێ نینن به‌لكو بۆ ئیراقێ هه‌میێ هه‌نه.
سودانى ل دۆر بهایی دینارێ ئیراقێ ژى همبه‌ر دۆلارى گۆت: د رۆژێن بهێن دا بهایێ دینارى دێ پتر بلندبیت و دێ هنده‌ك پێرابوونێن دى هێنه وه‌رگرتن بۆ باشكرنا ره‌وشا دارایی.
سه‌رۆكوه‌زیرێ ئیراقێ سه‌باره‌ت پرسا گه‌نده‌لیێ ژى گۆت، گرانترین دۆسیه بۆ وان دۆسیه‌یا روى ب روى بوونا گه‌نده‌لیێ یه.
ل دۆر هنارتنا موچه‌یێن هه‌رێما كوردستانێ ژى راگه‌هاند، هنارتنا موچه‌یێن خه‌لكێ هه‌رێمێ مزیگنى یان قه‌نجیه‌ك نینه به‌لكو ئه‌ركێ حكومه‌تا ئیراقێ یه.
