سه‌رۆكێ حكومه‌تێ: پێشڤه‌چوونه‌كا به‌رچاڤ د چاره‌كرنا كێشه‌یێن ل گه‌ل به‌غدا دا هه‌نه
بەلاڤ بکە
گاڤ
سه‌رۆكێ حكومه‌تا هه‌رێما كوردستانێ راگه‌هاند كو پێشڤه‌چوونه‌كا به‌رچاڤ د چاره‌كرنا كێشه‌یێن دناڤبه‌را هه‌ولێر و به‌غدا دا هه‌نه.
مه‌سرور بارزانى سه‌رۆكێ حكومه‌تێ ئه‌ڤرۆ چارشه‌مبیێ پێشوازى ل ژماره‌یه‌كا به‌رپرسێن ئیراقى و جیهانى ل هه‌ولێرێ كر كو دێ سوبه‌هى د رێوره‌سمێن ڤه‌كرنا مۆزه‌خانه‌یا بارزان یا نیشتیمانى دا به‌رهه‌ڤ بن.
سه‌رۆكێ حكومه‌تێ د په‌یڤه‌كێ دا راگه‌هاند؛ پێشڤه‌چوونه‌كا به‌رچاڤ د چاره‌كرنا كێشه‌یێن مه ل گه‌ل به‌غدا دا هه‌نه.
ل دۆر رێوره‌سمێن سوبه‌هى گۆت "خۆشحالم چونكى پتریا مێهڤان و دوستێن مه ژ سه‌رانسه‌رى جیهانێ دێ د رێوره‌سمان دا پشكدار بن، ئه‌م دێ به‌ره‌ڤ بارزان چین و دێ پشكداریێ د رێوره‌سمان دا كه‌ین".
ئاماژه دا وێ چه‌ندێ ژى كو ده‌ڤه‌را بارزان ب كێماسى 16 جاران هاتیه وێرانكرن و پاشى دوباره هاتیه ئاڤاكرن و گۆت "سوبه‌هى دێ سه‌ره‌دانا مۆزه‌خانه‌یێ كه‌ین كو دێ دیرۆكا گه‌لێ مه به‌رچاڤ كه‌ت".
