"ئیراق سێیه‌م خرابترین وه‌لاته ل جیهانێ بۆ پێشكێشكرنا چاڤدێریا ساخله‌میێ بۆ وه‌لاتیان"
بەلاڤ بکە
گاڤ
ئیراق د رێزبه‌ندیا وه‌لاتێن جیهانێ دا بۆ پێشكێشكرنا چاڤدێریا ساخله‌میێ بۆ وه‌لاتیان وه‌ك سێیه‌م خرابترین وه‌لات ل سه‌ر ئاستێ جیهانێ هات.
مالپه‌رێ نومبیۆ یێ تایبه‌تمه‌ند ب ئاستێ ژیارێ ل وه‌لاتێن جیهانێ ئه‌ڤرۆ ئێكشه‌مبیێ ئیراق وه‌ك سێیه‌م خرابترین وه‌لات ل سه‌ر ئاستێ جیهانێ بۆ چاڤدێریا ساخله‌میێ پۆلینكر.
د راپۆرتا مالپه‌رى بۆ سالا 2023 دا هاتیه؛ ئیراق ل رێزا سیێ ژ پشتێ ڤه ل سه‌ر ئاستێ 94 وه‌لاتان ب 43.46 خالان بۆ چاڤدێریا ساخله‌میێ هات و ب تنێ دو وه‌لات ل پشت ئیراقێ هاتن.
فه‌نزوێلا ب 39.35 خالان وه‌ك خرابترین وه‌لات ل سه‌ر ئاستێ جیهانێ بۆ پێشكێشكرنا چاڤدێریا ساخله‌میێ هات و به‌نگلادش ب 42.3 خالان وه‌ك دوه‌م خرابترین وه‌لات بۆ چاڤدێریا ساخله‌میێ هات.
ئیراق ل رێزا سیێ، مالتا ل رێزا چارێ و مه‌غریب ل رێزا پێنجێ وه‌ك خرابترین وه‌لاتێن چاڤدێریا ساخله‌میێ پێشكێشى وه‌لاتیێن خۆ دكه‌ن، دهێن.
