گاڤ

ئیراقێ ل هەیڤا بۆری رۆژانە 8 هزار بەڕمیلێن پەترۆلێ داینە ئوردنێ و ل گۆرەی داتایێن وەزارەتا پەترۆلا ئیراقێ، ئیراقێ ب نێزیکی 12 دۆلاران کێمتر ژ بازارێ جیهانی، پەترۆل فرۆشتیە ئوردنێ.

کۆمپانیا ب بازارکرنا پەترۆلا ئیراقێ سۆمۆیێ ئەڤرۆ راگەهاند: ئیراقێ د هەیڤا بۆری دا 284 هزار و 974 بەڕمیلێن پەترۆلێ فرۆشتینە ئوردنێ ب رێژەیا 8 هزار بەڕمیلێن رۆژانە.

ل گۆرەی داتایێن وەزارەتا پەترۆلا ئیراقێ، ئیراقێ پەترۆل ب 59 دۆلار و 55 سەنتان دایە ئوردنێ، د دەمەکی دا کو ئیراقێ ل هەمان مەهـ پەترۆلا خۆ ب 71 دۆلار و 30 سەنتان کریە د بازاڕێن جیهانی دا، ب ڤێ یەکێ ئیراقێ بۆ هەر بەڕمیلەکا پەترۆلێ 11 دۆلار و حەفتێ و پێنج سەنت بۆ ئوردنێ هێلاینە.