فرۆشتنا ده‌رمانان ب رێكا دێلیڤهرى ل هه‌ولێرێ هاته قه‌ده‌غه‌كرن
بەلاڤ بکە
گاڤ
فرۆشتنا ده‌رمانان ب شێوه‌یێ گه‌هاندنێ "دێلیڤهرى" ژ لایێ ده‌رمانخانه‌یان ڤه ل سه‌رانسه‌رى پارێزگه‌ها هه‌ولێرێ هاته قه‌ده‌غه‌كرن.
د نڤیساره‌كا سه‌ندیكایا ده‌رمانسازێن كوردستانێ لقێ هه‌ولێرێ دا هاتیه "ئاماژه ب نڤیسارا جڤاتا سه‌ندیكایا ده‌رمانسازێن كوردستانێ ژماره 31 ل 4/1/2022 هه‌روه‌سا گشتاندنا مه یا ژماره 124 ل رێكه‌فتى 13/1/2022، بۆ جارا دویماهیێ هه‌مى ده‌رمانخانه‌یێن سنوورێ پارێزگه‌ها هه‌ولێرێ ئاگه‌هدار دكه‌ین كو كاركرن ب شێوازێ دێلیڤهرى بۆ گه‌هاندنا ده‌رمانان بۆ ده‌ستێ نه‌خۆشان ل ده‌رمانخانه‌یان یا رێكپێداى نینه و قه‌ده‌غه‌یه، هه‌ر ده‌رمانخانه‌یه‌ك ب وى كارى راببیت، دێ رویبروى سزاى بیت و خۆدانێ مووله‌تێ دێ ره‌وانه‌ى لژنه‌یا زه‌بتا جڤاتا سه‌ندیكایا ده‌رمانسازان هێته كرن".
دیار ژى كریه كو دێلیڤهرى فرۆشتنا ده‌رمانان ب رێكا ته‌له‌فۆنێ، ئه‌پلیكه‌یشنان و پلاتفۆرێن سوشیال میدیایێ ب خۆڤه دگریت.
