په‌رله‌مانتاره‌ك: ل ده‌مژمێر 10 دێ روینشتنا په‌رله‌مانى بۆ ده‌نگدانێ ل سه‌ر بودجه‌ی ده‌ستپێكه‌ت
بەلاڤ بکە
گاڤ
په‌رله‌مانتاره‌كێ ژ ده‌وله‌تا یاسایێ راگه‌هاند كو ل ده‌مژمێر 10ى ئه‌ڤ شه‌ڤه دێ روینشتنا په‌رله‌مانى بۆ ده‌نگدانێ ل سه‌ر بودجه‌یێ ده‌ستپێكه‌ت.
ئاماژه وێ وێ چه‌ندێ ژى كر كو رێككه‌فتن دناڤبه‌را هه‌ولێر و به‌غدا دا ل سه‌ر 90% یا خالێن جهێ ناكۆكیێ هاتیه كرن.
فیراس مسلماوى په‌رله‌مانتار ژ ده‌وله‌تا یاسایێ به‌رى ده‌مه‌كێ كێم بۆ كه‌نالێ ئیراقیه نیوز راگه‌هاند "ل ده‌مژمێر 10 دێ روینشتنا په‌رله‌مانى بۆ ده‌نگدانێ ل سه‌ر بودجه‌یێ ده‌ستپێكه‌ت و دیاركر كو رێككه‌فتن ل سه‌ر 90% ژ خالێن جهێ ناكۆكیێ دناڤبه‌را هه‌ولێر و به‌غدا دا هاتیه كرن".
ل به‌ر بوو ل ده‌مژمێر 8 روینشتنا په‌رله‌مانى ده‌ستپێبكه‌ت، لێ ل گۆره‌ى زانیاریان ژ به‌ر نه ب دویماهیك هاتنا كۆمبوونا لژنه‌یا دارایى و ده‌نگدانا وێ ل سه‌ر بودجه‌یێ هاته گیرۆكرن.
پشتى ده‌نگدانا لژنه‌یا دارایى ل سه‌ر بودجه‌یێ، دێ ئاراسته‌ى سه‌رۆكاتیا جڤاتا نوینه‌ران هێته كرن و پاشى دێ كه‌ڤیته به‌ر ده‌نگدانێ.
فراكسیۆنێن كوردى جودا و لایه‌نێن چارچووڤه‌یێ هه‌ماهه‌نگیێ جودا ژ به‌رى ده‌مه‌كێ كێم ل دۆر بودجه‌یێ كۆمببوون.
هه‌ڤده‌م په‌رله‌مانتار ل ده‌رڤه‌ى ئاڤاهیێ په‌رله‌مانى ل ژڤانێ ده‌ستپێكرنا روینشتنا په‌رله‌مانى نه.
