ریڤه‌به‌ریا گشتى یا حه‌ج و عومرێ ل هه‌رێما كوردستانێ راگه‌هاند، سوبه‌هى سپێدێ، ئێكه‌م كاروانێ حه‌جیێن كوردستانێ كو 690 حه‌جینه‌ ب رێكا هشكاتى دێ بۆ وه‌لاتێ سعودیێ ب رێ كه‌ڤن.

رێڤه‌به‌ریا گشتى یا حه‌ج و عومرێ ل هه‌رێما كوردستانێ ئاگه‌هداریا سه‌رجه‌م وان كه‌سان دكه‌ت یێن ب رێكا هشكاتى گه‌شتێ دكه‌ن، په‌یوه‌ندیێ ب كۆمپانیێن حه‌ج و عومرێ بكه‌ن بۆ وه‌ر‌گرتنا زانیاریان داكو كه‌س ژ كاروانێ خۆ نه‌هێته‌ دابرین و ژڤانێن گه‌شتێ بزانن.

دا زانین ژى، حه‌جیێن هه‌ولێر و دهۆكێ به‌رى ده‌مژمێر 6:30 سپێدێ دێ ب رێكا ده‌روازه‌یێ پردێ چنه‌ كه‌ركووكێ و حه‌جیێن سلێمانى و حه‌له‌بچه‌ و گه‌رمیان ژى ژ رێكا چیمه‌ن گه‌هنه‌ كه‌ركووكێ و ژ وێرێ وه‌كو ئێك كاروان دێ به‌ره‌ڤ سنورێن سعودیێ ب رێ كه‌ڤن.

هه‌روه‌سا ژ كه‌سوكارێن حه‌جییان خواست ل جهێن خۆ، مالئاڤاهیێ ل حه‌جیان بكه‌ن ژبه‌ركو رێك ناهێته‌ دان كه‌س ب ترۆمبێلێن كه‌سایه‌تى ب دویڤ كاروانێ حه‌جیان بكه‌ڤیت.

ل دۆر گه‌شتێن ئاسمانى ژى رێڤه‌به‌ریا گشتى یا حه‌ج و عومرێ راگه‌هاند، ل 12ى ڤێ هه‌یڤێ دێ ئێكه‌م كاروانێ حه‌جیان ب رێكا فرۆكخانه‌یێن هه‌ولێری و سلێمانیێ گه‌هته‌ سعودیێ.