حكومه‌تا هه‌رێمێ: بۆ دابینكرنا مووچه‌یێ مه‌ها 5 كورتهێنان هه‌یه
بەلاڤ بکە
گاڤ
حكومه‌تا هه‌رێما كوردستانێ رادگه‌هینیت، بۆ دابینكرنا مووچه‌یێ مه‌ها 5 كورتهێنان هه‌یه و ئه‌و د بزاڤان دانه به‌رى جه‌ژنێ هه‌موى مووچه بهێنه‌دان.
جۆتیار عادل، په‌یڤدارێ حكومه‌تا هه‌رێما كوردستانێ راگه‌هاند، حكومه‌تا هه‌رێمێ ل گه‌ل حكومه‌تا فیدرالى د په‌یوه‌ندیان دایه داكو پشكا هه‌رێمێ ژ بودجه‌ى د ده‌مێ خۆ دا بگه‌هیت و هیڤى خواست ئه‌و بودجه‌یا ل جڤاتا نوونه‌رین ئیراقێ هاتیه په‌سه‌ندكرن وه‌ك خۆ بهێته بجهئینان.
جۆتیار عادلى دازانین بۆ دابینكرنا مووچه‌یێ فه‌رمانبه‌رێن حكومه‌تا هه‌رێمێ كورتهێنان هه‌یه و نوكه حكومه‌ت د بزاڤان دایه وێ كورتهێنانێ پڕ بكه‌ت، هه‌روه‌سا ب ئه‌ركێ حكومه‌تێ زانى ره‌وشا دارایى یا خه‌لكێ هه‌رێما كوردستانێ باشتر بكه‌ت.
ل دۆر به‌لاڤكرنا مووچه‌یان ژى گۆت: وه‌زاره‌تا دارایى و حكومه‌تا هه‌رێمێ د بزاڤان دایه ل ده‌مه‌كێ نێزیك وان كێشه‌یان چاره بكه‌ت بۆ وێ یه‌كێ به‌رى جه‌ژنێ مووچه‌یێ هه‌موو وه‌زاره‌تان بهێته به‌لاڤكرن.
