خۆنیشاندانێن فرەنسا بەرەڤ ئالۆزیان دچن و زیانێن مەزن پەیدابووینە
07/02/2023 - 10:50
گاڤ
بۆ رۆژا پێنجێ ل سەر ئێک ئالۆزی و خۆنیشاندانێن فرەنسا ل دژی کوشتنا گەنجەکێ بناڤێ نائیل بدەستێ هێزێن پۆلیسێن وى وەلاتی د بەردەوامن.
ئەڤرۆ وەزارتا ناڤخۆ یا حکومەتا فرەنسایێ راگەهاند، 45 هزار پۆلیس و هێزێن ئیمناهیێ ل سەرانسەری وەلاتی هاتینە بەربەلاڤکرن بۆ کۆنترۆلکرنا رەوشێ و ژ شەڤا دەربازبووی وەرە پتری 700 کەسان ژبەر خۆنیشاندان و ئالۆزیان هاتینە دەستەسەرکرن و د رویبرویبوونان دا دگەل وان پتری 45 پۆلیسان بریندار بووینە.
وەزارەتا ناڤخۆ یا فرەنسایێ راگەهاندیە ژی، 577 ترومبێل و خانی و ئاڤاهی ژلایێ خۆنیشاندەران ڤە هاتینە سۆتن و هێشتا ئەو ئالۆزی و خۆنیشاندان د بەردەوامن و ئەو ب هەموو هێز و شیانێن خۆ بزاڤا کۆنترۆلکرن و ئاساییکرنا رەوشێ دکەن.