گاڤ – تایبه‌ت
حکومەتا هەرێما کوردستانێ د ڤان سالان دا دەست ب فرۆشتنا ئەردان کریە و بتنێ ل سنۆرێ پارێزگەها دهۆکێ، حکومەتێ 227 پارچەیێن ئەردی فرۆشتینە.
دیار بەحری، رێڤەبەرێ باژێڕڤانیێن پارێزگەها دهۆکێ بۆ گاڤ گۆت: جڤاتا وەزیرێن هەرێما کوردستانێ بریار دایە هەر باژێڕڤانیەکا پێدڤی ببیت، دشێت پارچەیێن خۆ یێن ئەردی یێن روکن و جهێن باش د سەرئێکزێدەکرنێن ئاشکرا دا بفرۆشیت و وی پارەی ب رێژەیا ٪100 ل سنۆرێ هەمان باژێڕڤانی بمەزێخیت.
دیار بەحری هەروەسا ئاشکرا کر: ژ رۆژا دەرکەفتنا وێ بریارێ تا ئەڤرۆ، ل سنۆرێ پارێزگەها دهۆکێ 227 پارچەیێن ئەردی هاتینە فرۆشتن، کۆژمێ 8 ملیار و 800 ملیۆن دیناران ژ فرۆشتنا وان بۆ باژێڕڤانیان هاتینە، پشکەکا وی پاره‌ى ل پرۆژەیان هاتیە مەزاختن و پشکا دی د قووناغێن وەرگرتنا رازیبوونا جڤاتا وەزیران و تەندەران دایە.