ئه‌ڤرۆ رۆژنامه‌یا سه‌باح یا نێزیك ژ حكومه‌تا ئیراقێ به‌لاڤكر، ناكۆكیێن هه‌رێمێ و به‌غدایێ ل دۆر داهاتێن بنه‌ره‌تى یێن هه‌رێمێ ماینه‌، لێ دهێته‌ چاڤه‌رێكرن پشتى 18ى ڤێ هه‌یڤێ و پاكتاوكرنا ژماره‌یان، پشكا هه‌رێمێ ژ بودجه‌ى بۆ هه‌یڤێن 7 و 8 بهێته‌ هنارتن.

وێ رۆژنامه‌یێ ئاماژه‌ ب وێ ئێكێ ژى دا هه‌رێم دخوازیت نیڤه‌كا داهاتێن نه‌ پترۆلى بهنێریت، لێ به‌غدا داخوازا راده‌ستكرنا داهاتێ گومرك و باج و رسوماتان وه‌كو داهاتێن بنه‌ره‌تى ژ هه‌رێمێ دكه‌ت.

بۆ موچه‌یێ هه‌یڤا خزیرانا بۆرى به‌غدایێ 598 ملیار دینار بۆ هه‌رێما كوردستانێ هنارتن پشتى داهاتێ ناڤخۆ ژێ هاتیه‌ راكرن. به‌غدا لژنه‌یه‌ك ژى بۆ پشتراستكرنا داتایێن هه‌رێمێ هنارتیه‌ هه‌ولێرێ و دهێته‌ چاڤه‌رێكرن پشتى پاكتاوكرنا ژماره‌یان و پشتى 18 ڤێ هه‌یڤێ پشكا هه‌رێمێ ژ بودجه‌ى بۆ هه‌یڤین7 و 8 بهێته‌ هنارتن.