بڕیارهكا سهیر.. ل باژێڕهكى فرۆشتنا خوارنێن ب لهز و ئایس كرێمێ پشتى دهمژمێر 12ى شهڤێ دێ هێته قهدهغهكرن
گاڤ
باژێڕڤانییا باژێرێ میلانۆ یێ ئیتالى ل بهره بڕیارهكا سهیر بدهت ئهو ژى قهدهغهكرنا فڕۆشتنا خوارنێن ب لهز وهكى پیتزایێ و ئایس كرێمێ پشتى دهمژمێر 12ى شهڤێ ل 12 جهێن سهرهكى دناڤ باژێڕى دا.
ئهڤ بڕیاره بوویه ئهگهرێ بگروڤهكێشێ ل ئیتالیا، دهستههلاتدارێن میلانۆ ژى ئهگهرێن ڤێ بڕیارێ بۆ وى دهنگێ بلند یێ ژ كهسێن نهنڤستى پشتى دهمژمێر 12ى شهڤێ ل كۆلانێن میلانۆ دهردكهڤیت، ڤهدگهڕینن.
ل گۆرهى رێسایێن نوى یێن باژێڕڤانییا میلانۆ داناین، قهدهغهیه ل پتر ژ 12 جهێن ژ ههمییان پتر چالاكى لێ ههین ل میلانۆ خوارنێن ب لهز وهكى پیتزا، ئایس كرێم و ڤهخوارن پشتى 12ى شهڤێ لێ بهێنه فرۆشتن.
ماركۆ گرانێلێ جێگرێ سهرۆكێ باژێڕڤانییا میلانۆ ل دۆر بڕیارا نوى گۆت "ئهم بزاڤان دكهین ههڤسهنگییێ دناڤبهرا چالاكییێن جڤاكى و سلامهتى و ساخلهمییا خهلكى و چالاكییێن ئابوورى یێن بازرگان و خۆدانكاران دا پهیدا بكهین".
ژ لایێ خۆڤه، جۆزێپى سالا سهرۆكێ باژێڕڤانییا میلانۆ دیاركر "گهلهك ژ خهلكى گلهییان ژ دهنگێ بلند ل باژێڕى دكهن".
دهێته چاڤهرێكرن ئهڤ رێكاره ل 7ى گۆلانێ ههتا دهستپێكا ههیڤا چرییا دوێ ل ژمارهیهكا جهان ل میلانۆ بكهڤنه د وارێ بجهئینانێ دا.