لێڤاندۆڤسكى د ئامارهكێ دا ژ بهرى رۆنالدۆى و مێسى یه
گاڤ
رۆبێرت لێڤاندۆڤسكى هێرشبهرێ بهرشلۆنا د ئامارهكێ دا ژ بهرى ههردو ستێرێن تهپاپێى یێن جیهانى لیۆنێل مێسى و كریستیانۆ رۆنالدۆى هات.
لێڤاندۆڤسكى د رێزبهندیا گۆلگهرێن بهێزترین پێنج خۆلێن جیهانێ د ماوهیێ 10 سالێن بۆرى دا ل رێزا ئێكێ هات.
رۆژنامهیا دهیلى مهیل بهلاڤكریه؛ لێڤاندۆڤسكى ب 407 گۆلان ژ 478 یاریان ل رێزا ئێكێ د رێزبهندیا گۆلكهرێن پێنج خۆلێن مهزن یێن جیهانێ د 10 سالێن بۆرى دا هات
ههروهسا مێسى ل رێزا دوێ ب 377 گۆلان و رۆنالدۆ ل رێزا سیێ ب 350 گۆلان ژ 406 یاریان هات.
هارى كین ل رێزا چارێ ب 309 گۆلان ژ 453 یاریان، كیلیان ئێمباپێ ب 271 گۆلان و كهریم بێنزێما ب 257 گۆلان ل رێزێن چارێ و پێنجێ و شهشێ هاتن.
ههر پێنج خۆلێن مهزن یێن جیهانێ ژ خۆلێن ئنگلترا، ئیتالیا، ئسپانیا، فرهنسا و ئهلمانیا پێكدهێن.
رۆنالدۆى ل دویماهیا سالا 2022 ههڤبهست ل گهل نهسر یا سعوودى گرێدابوو و یاریكرن ل ئهورۆپا هێلابوو ههروهسا مێسى ژى ل ناڤهراستا تیرمهها سالا 2023 ههڤبهست ل گهل ئینتر مایامى یا ئهمریكى گرێدابوو و ژ خۆلێن ئهورۆپى دویركهفتبوو.