پێشبینییا بلندبوونا بهایێ پهترۆلێ بۆ 90 دۆلاران دهێته كرن
گاڤ
كۆمپانییهكا تایبهتمهند ب بوارێ وزهیێ پێشبینییا بلندبوونا بهایێ بهرمیلهكێ پهترۆلا برێنت بۆ 90 دۆلاران د ئهڤ ساله دا كریه.
كۆمپانیا FGE یا شیرهتكارى د بوارێ وزهیێ دا پێشبینییا بلندبوونا بهایێن پهترۆلێ بۆ 6 ههیڤان دناڤبهرا ئادارێ ههتا تهباخا ئهڤ ساله دا ههڤدهم ل گهل كێمبوونا پهترۆلا د بازارى دا كریه.
ئهو سازییه پێشبینی دكهت د چارێكا سیێ یا ئهڤ ساله دا بگههیته 90 دۆلاران، پشتى ئوپێك پلهس كێمكرنا بهرههمئینانێ ههتا خزیرانا بهێت ژ بۆ پشتهڤانیا بهایێن پهترۆلێ درێژكرى، وهكى ئاژانسا بلۆمبێرگ بهلاڤكرى.
ئوپێك پلهس بهرى نوكه بڕیارا كێمكرنا بهرههمئینانا پهترۆلێ ب بڕى دو ملیۆن بهرمیلان ههتا دویماهییا خزیرانێ دابوو و سعوودیه نیڤهكا كێمكرنا بهرههمئینانێ بجهدئینیت.
ههر ل گۆرهى پێشبینیێن وێ سازیێ، رهنگه د سالا 2025 دا بهایێن پهترۆلێ جارهكا دى نزم ببن و بگههنه 75 دۆلاران.
ئهڤرۆ سپێدێ ل گهل ڤهكرنا بازارى بهایێ بهرمیلهكێ خاڤا برێنت د بازارێن جیهانێ دا بۆ سهر 83 دۆلاران بلند ببوو.