لێكۆلینه‌ك به‌حسێ زیانێن ساخله‌میێ یێن كێم نڤستنێ دكه‌ت
بەلاڤ بکە
گاڤ
لێكۆلینه‌كا ساخله‌میێ یا نوى به‌حسێ زیانێن كێم نڤستنێ كریه و دیاركریه كو نڤستنا كێم دبیته ئه‌گه‌رێ هه‌ستكرنێ ب ماندویبوونێ و نه‌بوونا ته‌ركیزێ.
ل گۆره‌ى لێكۆلینه‌كا نوى، نڤستنا كێم شیانێن ته‌ركیزكرنێ كێم دكه‌ت و دبیته ئه‌گه‌رێ هه‌ستكرنێ ب بێخیره‌تیێ ل درێژییا رۆژێ، به‌لكو ره‌نگه بۆ چه‌ند رۆژان به‌رده‌وام ببیت.
لێكۆلین ژ لایێ زانایێن زانكۆیا وێستێرن ل ئونتاریۆ ل كه‌نه‌دا هاتبوو كرن و تێدا گه‌هشتنه وى ئه‌نجامى كو باشترین نڤستن بۆ هزركرنا لوژیكى و فوكسكرنێ و چالاكیێ د درێژییا رۆژێ دا نڤستنا دناڤبه‌را 7.16 ده‌مژمێران هه‌تا 7.38 ده‌مژمێران دایه رۆژانه.
هه‌ر ل گۆره‌ى لێكۆلینێ، نڤستنا بۆ كێمتر ژ 7 ده‌مژمێران رۆژانه كارتێكرنه‌كا نه‌رێنى ل سه‌ر پشكدارێن تاقیكرنێ كربوو.
لێكۆلین ل سه‌ر 10 هزار پشكداران هاتبوو كرن كو تێدا ده‌مێن خۆ یێن نڤستنێ ئاشكرا كربوون و ل دویڤ دا تاقیكرن بۆ هه‌لسه‌نگاندنا فوكسكرنا وان هه‌روه‌سا بیردانكا دومكورت یا وان و هنده‌ك تاقیكرن بۆ زانینا رادده‌یێ چالاكییا وان هاتبوونه ئه‌نجامدان.
هه‌ر ل گۆره‌ى وێ لێكۆلینێ، نڤستنا دو ده‌مژمێران زێده‌تر ژى ژ پێدڤیاتیێ رۆژانه بوویه ئه‌گه‌رێ كێمبوونا ئاستێ مه‌عریفى و زێده‌بوونا هه‌ستكرنێ ب بێخیره‌تیێ و نه‌بوونا چالاكیێ.
