ئاراس جهبار سهقاناسێ كورد هۆشداریێن دروستبوونا لههیان ل پارێزگهها دهۆكێ ددهت
گاڤ
سهقاناسهكێ كورد هۆشداریێن دروستبوونا دوباره لههییان ل پارێزگهها دهۆكێ ددهت و دیاردكهت، پتریا رۆژێن ڤێ حهفتیێ و حهفتیا بهێت ژى ل سنۆرێ پاریزگهها دهۆكێ بارانه و هندهك رۆژان ژى دێ لههى دروست بن.
ئاراس جهبار سهقاناسهكێ كورده، پێشبیێن بارانێن رۆژێن بهێت دیاردكهت و ئاشكرادكهت، ئهڤرۆ چارشهمبێ باران ب شێوهیێن ڤهقهتیایى دێ بهردهوام بیت و ب شهڤێ دێ رهوش ئارام بیت و سوبههى پێنجشهمبێ 21-3 ژ ئهگهرا هاتنا نزمهپالهپهستوویهكى نوى ژ توركیا بۆ سهر پارێزگهها دهۆكێ و ناوچهیێن چیایى باران دێ بهردهوام بیت و پلهیێن گهرمێ ژى دێ نزم بن، لهزاتییا بایى ژى دێ دناڤبهرا 10 بۆ 20 كیلۆمتران بیت د ئێك دهمژمێرێ دا.
درهنگیێن شهڤا ئهینیێ ژى پێلا ژ توركیا هاتى بۆ سه رپارێزگهها دهۆكێ دێ بهرفرههتر بیت و شهڤا ئهینیێ ل سنۆرێ پارێزگهها دهۆكێ پیشبنییا بارینا بارانهكا زێده دهێتهكرن و ل هندهك جهان ئهگهرێ دروستبوونا لههیان ههیه و ل بلنداهیێن چیایان ژى ئهگهرا بارینا بهفرێ ههیه.
ئێڤارییا رۆژا ئێكشهمبیێ ژى پێشبینى دهێتهكرن پالهپهستوویهكى نوى ژ دهریایا سۆر و ناڤهڕاست ب سهر ههرێما كوردستانێ دا درێژ ببیت و بارستهههوایهكێ شێدار دێ ل گهل بیت و دێ بیته ئهگهرا دروستبوونا بریسییان و تاڤیێن بارانێ و بارانێن بۆش و ل 25ى ڤێ مههێ سپێدێ ئهگهرا دروستبوونا بریسیێن بهێز ههیه ب تایبهت ل پارێزگهها دهۆكێ و ناوچهیێن چیایى و پیشبینیا دروستبوونا لههیان ههیه.
ل رۆژێن 26 و 27ى ڤێ مههێ ژى تاڤیێن بارانێ و عهور و بریسى نه و تا رۆژا پێنجشهمبیێ 28-3 دێ كارتێكرنا بارستهیێ ههوایى ل ئاسمانىێ ناوچێ بهردهوام بیت.