گاڤ

ئۆفیسا راگه‌هاندنێ یا سه‌رۆكوه‌زیرێ ئیراقێ راگه‌هاند؛ سه‌ره‌دانێن سه‌رۆكێ هه‌رێما كوردستانێ بۆ به‌غدا گاڤه‌كا ئه‌رێنى یه‌ بۆ چاره‌كرنا هه‌مى كێشه‌یان.

نێچیرڤان بارزانى سه‌رۆكێ هه‌رێما كوردستانێ و محه‌مه‌د شیاع سوودانى سه‌رۆكوه‌زیرێ ئیراقێ ئه‌ڤ شه‌ڤه‌ شه‌مبیێ ل به‌غدا كۆمبوون.

ئۆفیسا راگه‌هاندنێ یا محه‌مه‌د شیاع سوودانى سه‌رۆكوه‌زیرێ ئیراقێ به‌یانه‌ك ل دۆر كۆمبوونا ئه‌ڤرۆ ل گه‌ل سه‌رۆك نێچیرڤان بارزانى به‌لاڤكر و راگه‌هاند "سه‌رۆكوه‌زیرێ ئیراقێ سه‌ره‌دانێن سه‌رۆك نێچیرڤان بارزانى بۆ به‌غدا ب گاڤه‌كا ئه‌رێنى بۆ چاره‌كرنا هه‌مى كێشه‌یان لقه‌له‌مدا".

دیار ژى كریه‌ "د دیدارێ دا، گرنگترین بابه‌ت و كێشه‌ هاتنه‌ گه‌نگه‌شه‌كرن هه‌روه‌سا دوپاتى ل سه‌ر به‌رده‌وامییا دانوستاندنێن ئاڤاكه‌ر و بهێزكرنا په‌یوه‌ندیێن دناڤبه‌را به‌غدا و هه‌ولێرێ دا هاته‌ كرن".