سهرۆك نێچیرڤان بارزانى: هێرشا هۆڤانهیا دژى وهلاتیێن سڤیل ل موسكۆ ب دژوارى شهرمزار دكهم
گاڤ
سهرۆكێ ههرێما كوردستانێ، نێچیرڤان بارزانى پهیامهك ل دۆر هێرشا شڤێدى ل ئێك ژ هۆلێن ئاههنگان ل نێزیك موسكۆیا پایتهختێ رۆسیا بهلاڤكر و راگههاند، ئهو ب دژوارترین شێوه هێرشا هۆڤانهیا ل سهر وهلاتیێن سڤیل ل موسكۆ شهرمزار دكهت.
سهرۆك نێچیرڤان بارزانی، سەرۆکێ هەرێما کوردستانێ د پەیامهكێ دا ل تۆڕا جڤاكییا ئێکس(تویتەرا پێشتر) راگەهاند، "ب توندی هێرشا هۆڤانهیا شڤێدى بۆ سهر هژمارهكا وهلاتیێن سڤیل ل موسكۆ شهرمزار دكهت.
سهرۆكێ ههرێما كوردستانێ د پشكهكا دى یا پهیاما خۆ دا دبێژیت، هزر و دوعایێن من دگهل یێن مالباتێن قوربانییان و خهلكێ رۆسیانه. گۆت ژى، تیرۆر گهفهكا جیهانى یه و پێدڤى یه، جڤاكێ نێڤدهولهتى ئێكگرتى بیت بۆ شكاندنا تیرۆرێ.
شڤێدى هژمارهكا چهكداران ل باژێرێ کڕاسنۆگۆرسک ل نێزیک مۆسکۆیا پایتەختێ رۆسیا، هێرش كره سهر ئاههنگهكێ ل کۆرکوس و تهقه ل ئامادهبوویان كر، ل گۆرهى ئامارێن تا نها هاتینه راگههاندن، هژمارا كوشتییان بۆ نێزیكى 90 كهسان بلندبوویه، پترى 100 كهسان ژى بریندارن.