ئێكهتییا مامۆستایان: مه پرۆژهیێ ههژمارى من رهت نهكرییه
گاڤ
ئێكهتییا مامۆستایێن كوردستانێ ئهو نووچهیه ب نهراست لقهلمهدان یێن بهحس ل رهتكرنا وان بۆ پرۆژهیێ ههژمارى من كرى.
ئێكهتییا مامۆستایێن كوردستانێ د بهیانهكێ دا ئهڤرۆ شهمبییێ دیار دكهت "وان دهنگۆیان رهت دكهین یێن د هندهك پهیج و مالپهران دا ب ناڤێ ئێكهتییا مامۆستایان هاتینه بهلاڤكرن كو تێدا گۆتبوون؛ ئێكهتییا مامۆستایان ههژمارى من رهت دكهت، ئهڤ چهنده ژ راستییێ دویره".
راگههاندیه ژى "ئێكهتییا مامۆستایان ژ چهندین پارت و لایهنان پێكهاتییه، ههر ئێك دهربڕینێ ژ بۆچوونا خۆ دكهت، ههروهسا ههر ئهندامهكێ ئێكهتییا مامۆستایان ئهگهر داخۆیانییهكێ یان كۆمێنتهكێ بدهت، ئهو دهربڕینێ ژ بۆچوونا ئێكهتییا مامۆستایان ناكهت".
د بهیانێ دا هاتیه ژى "ب مخابنى ڤه، دهمهكه هندهك پهیج و دهزگههێن میدیایى نووچه و زانیارییان ب ناڤێ ئێكهتییا مامۆستایان بهلاڤ دكهن كو چ پهیوهندى ب ئێكهتییا مامۆستایان ڤه نینن".