گرنگییا لڤینێ و ئهنجامدانا وهرزشێ پشتى فتارهیێ و پشتى خوارنێ ب گشتى
گاڤ
لڤینا بهردهوام و ئهنجامدانا چالاكیێن وهرزشى ب ئێك ژ كلیلێن پاراستنا ساخلهمییا مرۆڤى دهێته هژمارتن و ب تایبهت پشتى خوارنا فتارهیێ یان ژى ههر دانهكێ خوارنێ.
مالپهرێ good RX health یێ تایبهتمهند ب ساخلهمیێ دیاركریه كو لڤین و چالاكیێن لهشى پشتى فتارهیێ و دناڤبهرا دهمێ فتارهیێ و پاشیڤێ دا ههروهسا پشتى خوارنێ ب گشتى، ئێك ژ گرنگترین گاڤایه بۆ پاراستنا ساخلهمییا مرۆڤى.
ئهو مالپهره ئاماژه ب وێ چهندێ دكهت؛ لڤین مرۆڤى ژ تهمبهلیێ دویر دكهن و ئهنجامدانا لڤینێن لهشى و وهرزشێ وهكى برێڤهچوون یان راهێنانێن وهرزشى ل ههر جههكێ بیت خۆ ئهگهر ل مال ژى بیت ژمارهیهكا مفایێن ساخلهمیێ ههنه وهكى:
- ههرسكرنهكا باشتر بۆ خوارنێ و مفاوهرگرتنهكا پتر ژ پێكهاتهیێن خۆراكى.
- كێمبوونا تووشبوونێ ب غازان و رێگریكرن ل مهزنبوونا زكى.
- پاراستنا كێشا لهشى و رێگریكرن ل زێدهبوونا كێشا لهشى.
- كونترۆلكرنا فشارا خوینێ و شهكرا خوینێ.
- كێمبوونا ههستكرنێ ب تهمبهلیێ و وهستیانێ پشتى فتارهیێ.
- باشتربوونا ساخلهمیێ ب شێوهیهكێ گشتى و باشتربوونا زڤڕینا خوینێ د لهشى دا.