وه‌لاتێن ئه‌ندامێن رێكخراوا ساخله‌میێ یا جیهانى نه‌شیان بگه‌هنه رێككه‌فتنه‌كا هه‌ڤپشك ل دۆر به‌رسینگگرتنا په‌ژیكان
بەلاڤ بکە
گاڤ
وه‌لاتێن ئه‌ندام د رێكخراوا ساخله‌میێ یا جیهانى دا نه‌شیان بگه‌هنه رێككه‌فتنه‌كا نێڤده‌وله‌تى ل دۆر به‌رسینگگرتنا په‌ژیكان ل جیهانێ ب شێوه‌یه‌كێ باشتر د پاشه‌رۆژێ دا.
پشتى به‌لاڤبوونا په‌ژیكا كۆرۆنایێ ل دویماهییا سالا 2019، وه‌لاتێن جیهانێ هزر د گه‌هشتنێ ب رێككه‌فتنه‌كێ دا ژ بۆ هه‌ماهه‌نگیێ د رێكاران دا ژ بۆ به‌رسینگگرتنا په‌ژیكان ل پاشه‌رۆژێ كرن، بۆ ده‌مێ پتر ژ دو سالان بوو گۆتوبێژ ژ بۆ گه‌هشتنێ بۆ رێككه‌فتنێ د به‌رده‌وام بوون.
ئاژانسا فرانس پرێس راگه‌هاندیه؛ وه‌لاتێن ئه‌ندام د رێكخراوا ساخله‌میێ یا جیهانى دا نه‌شیان بگه‌هنه رێككه‌فتنه‌كێ ل دۆر به‌رسینگگرتنا په‌ژیكان.
دیار ژى كریه "ل هه‌یڤا گۆلانێ یا بهێت دێ دوباره دانوستاندنان ل دۆر ڤى بابه‌تى ده‌ستپێكه‌ن".
194 وه‌لاتێن ئه‌ندام د رێكخراوا ساخله‌میێ یا جیهانى دا بڕیار دابوون ده‌قه‌كێ پێگیر بدارێژن ژ بۆ دوباره‌نه‌كرنا شاشیێن د سه‌رده‌مێ به‌لاڤبوونا په‌ژیكا كۆرۆنایێ دا رویداین.
گه‌ڕا نه‌هێ و دویماهیێ ژ دانوستاندنێن وه‌لاتێن ئه‌ندام د WHO دا هه‌ر ژ 18ى ئادارێ ده‌ستپێكربوون، لێ ل دویماهیێ نه‌شیان بگه‌هنه رێككه‌فتنه‌كا دویماهیێ.
تێدرۆس ئه‌دهانۆم گێبریسیۆس رێڤه‌به‌رێ گشتى یێ رێكخراوا ساخله‌میێ یا جیهانى به‌رى نوكه ل دۆر دانوستاندنان گۆتبوو "هوین نه د دویرن ژ بۆ گه‌هشتنێ ب رێككه‌فتنێ".
