مێتا دێ گوهۆڕینه‌كا نوى بۆ نامه‌یێن ئینستاگرامى به‌رده‌ستكه‌ت
بەلاڤ بکە
گاڤ
كۆمپانیا مێتا دێ گوهۆڕینه‌كا نوى د نامه‌یێن ئینستاگرامى دا به‌رده‌ستكه‌ت و ئارمانج ژێ ئه‌وه كه‌سێن سنێله یێن د بن 18 سالیێ دا وان وێنه و گرته‌یان د نامه‌یان دا نه‌بینن یێن رویساتى تێدا.
د نوكه دا، فشارێن مه‌زن ل سه‌ر كۆمپانیێن ته‌كنولۆژى ل ئه‌مریكا و ئه‌ورۆپا هه‌نه، ژماره‌یه‌كا لایه‌نان ره‌خنه ل پلاتفۆرمێن سۆشیال میدیایێ گرتینه ژ به‌ر كو ب دیتنا وان ئه‌و پلاتفۆرم دبنه ئه‌گه‌رێ ئالۆده‌بوونێ.
مێتا راگه‌هاندیه وێ ساخله‌تێ پاراستنێ د نامه‌یێن ئێكسه‌ر یێن ئینستاگرامى دا به‌رده‌ستكریه كو ب رێكا ئوتۆماتیكى دێ ئه‌نالیز بۆ نامه‌یان هێته كرن كا نامه‌یا هاتیه ڤرێكرن ناڤه‌رۆك یان وێنه‌یێن رویس تێدا هه‌نه یان نه، ئه‌گه‌ر رویساتى تێدا هه‌بیت دێ هێته به‌رزه‌كرن.
ئه‌ڤ ساخله‌ته ب شێوه‌یه‌كێ ئوتۆماتیكى دێ بۆ بكارهینه‌رێن ته‌مه‌نێن وان ژ 18 سالان كێمتر كاركه‌ت ل ده‌مه‌كێ یێن د سه‌ر وى ته‌مه‌نى دا مێتا دێ شیره‌تان لێ كه‌ت وى ساخله‌تى ئه‌كتیڤ بكه‌ن.
مێتایێ ئاماژه ب وێ چه‌ندێ ژى كریه "ئامیره ب خۆ دێ وێنه‌یان ئه‌نالیز كه‌ت ژ بۆ پاراستنا بكارهینه‌رى ژ دیتنا وێنه‌یێن رویساتى تێدا و ئه‌ڤ چه‌نده دێ د وان نامه‌یان ژى دا یێن ب تنێ هه‌ردو لایه‌نێن ڤرێكه‌ر و وه‌رگرێ نامه‌یێ دبینن end to end encryption به‌رده‌ست بیت و مێتا ماف نینه ته‌ماشه‌ى وان وێنه‌یان بكه‌ت ئه‌گه‌ر بۆ نه‌هێته ریپۆرتكرن".
به‌روڤاژى ئه‌پلیكه‌یشنێن مه‌سنجه‌ر و وه‌تسئه‌پى یێن مێتایێ، نامه‌یێن ئێكسه‌ر یێن ئینستاگرامى ساخله‌تێ ب تنێ هه‌ردو كه‌س دبینن end to end encryption تێدا نینه، لێ مێتایێ راگه‌هاندیه ئه‌و یا رژده وى ساخله‌تى به‌رده‌ست بكه‌ت.
