ڤرێكرنا وێنهیان ب كوالێتییا HD د مهسنجهرێ فهیسبووكى دا هاته بهردهستكرن
گاڤ
كۆمپانیا مێتا خزمهتگۆزارییا ڤرێكرنا وێنهیان ب كوالێتییا بلند HD د مهسنجهرێ فهیسبووكى دا بهردهستكر و د حهفتیێن بهێت دا بكارهینهر دێ شێن مفاى ژێ وهرگرن.
ل گۆرهى ژێدهرێن نووچهیان؛ بكارهینهر دێ شێن مفاى ژ خزمهتگۆزارییا نوى وهرگرن ئهو ژى ب رێكا ههلبژارتنا ئوپشنێ HD ئهوێ كو ل دهمێ دهستنیشانكرنا وێنهیان ژ بۆ ڤرێكرنێ دا دیار دبیت بهرى بهێنه ڤرێكرن.
كۆمپانیا مێتا بهرى نوكه ژى خزمهتگۆزارییهكا ههڤشێوه د ئهپلیكهیشنێ خۆ یێ دى دا ئهو ژى وهتسئهپه بهردهستكربوو.
ههڤدهم مێتا مهزنترین قهبارهیێ رێكپێداى بۆ ڤرێكرنا فایلان ژ بۆ 100 مێگابایتان زێدهكر و ئهڤ چهنده فایلێن ژ جۆرێ PDF، پهوهرپۆینت و فایلێن ژ جۆرێ Zipped Files و ژمارهیهكا جۆرێن دى ب خۆڤه دگریت.
دهێته چاڤهرێكرن ئهڤ ههردو خزمهتگۆزارییه بۆ ههمى بكارهینهران قووناغ ب قووناغ د حهفتیێن بهێت دا بهێنه بهردهستكرن.