گاڤ

حكومه‌تا هه‌رێما كوردستانێ راگه‌هاند؛ د رۆژێن جه‌ژنێ دا پتر ژ 200 هزار گه‌شتیاران سه‌ره‌دانا هه‌رێما كوردستانێ و ده‌ڤه‌رێن وێ یێن گه‌شتیارى كرینه‌.

ئیبراهیم عه‌بدولمه‌جید رێڤه‌به‌رێ راگه‌هاندن و په‌یوه‌ندییان د ده‌سته‌یا گه‌شتوگۆزارێ یا هه‌رێما كوردستانێ دا ئه‌ڤرۆ دوشه‌مبیێ بۆ فه‌رمانگه‌ها میدیا و زانیارى دیاركریه‌ "هه‌ر ژ 8ى نیسانێ هه‌تا 13ى نیسانێ (د شه‌ش رۆژان دا) پتر ژ 200 گه‌شتیاران سه‌ره‌دانا هه‌رێما كوردستانێ كرینه‌".

ئاماژه‌ ب وێ چه‌ندێ ژى كریه‌ "پترییا گه‌شتیاران ژ ناڤه‌راست و باشوورێ ئیراقێ هه‌روه‌سا ئیران و توركیا و وه‌لاتێن دى نه‌، هه‌ڤده‌م ژماره‌یه‌كا مه‌زن یا گه‌شتیارێن ناڤخۆیى یێن هه‌رێما كوردستانێ ژى كو ژماره‌یا وان دگه‌هیته‌ 150 هزار كه‌سان سه‌ره‌دانا سه‌یرانگه‌هـ و ده‌ڤه‌رێن گه‌شتیارى كرینه‌".

ل گۆره‌ى فه‌رمانگه‌ها میدیا و زانیارى؛ ژ ده‌ستپێكا سه‌رێ سالێ و تا نوكه‌ پتر ژ ملیۆن و 700 هزار گه‌شتیاران سه‌ره‌دانا هه‌رێما كوردستانێ كرینه‌.