گاڤ

وه‌زیرا ده‌رڤه‌ یا ئه‌لمانیا داخواز ژ هه‌ر ئێك ژ ئیرانێ و ئسرائیلێ كر دان ب خۆ دا بگرن و دیاركر؛ گرژى د به‌رژه‌وه‌ندییا كه‌سێ دا نینن.

ئه‌نالینا بێربۆك ئه‌ڤرۆ چارشه‌مبیێ داخواز ژ ئیرانێ و ئسرائیلێ كر "بلندترین پله‌یا دان ب خۆ دا گرتنێ په‌یره‌و بكه‌ن"، ئه‌ڤ چه‌نده‌ هه‌ڤده‌م ل گه‌ل گرژیێن دناڤبه‌را وان هه‌ردو وه‌لاتان دا و ب تایبه‌ت پشتى ده‌ستپێكرنا شه‌ڕى ل غه‌زه‌.

بێربۆك گۆت ژى "به‌رده‌وامییا گرژییان د به‌رژه‌وه‌ندییا كه‌سێ دا نابیت".

بێربۆك پشكداره‌ د كۆمبوونا وه‌زیرێن ده‌رڤه‌ یێن گرۆپێ G7 دا ل گزیرته‌یا كاپرى یا ئیتالى، ئه‌و كۆمبوونه‌ هه‌تا دوسبه‌ دێ به‌رده‌وام بیت و ئێنس ستۆلتنبێرگ ئه‌میندارێ گشتى یێ هه‌ڤپه‌یمانییا ناتۆیێ ژى تێدا پشكداره‌.

دهێته‌ چاڤه‌رێكرن باده‌كێن شه‌ڕێ غه‌زه‌، ره‌وشا رۆژهه‌لاتا ناڤین و ئۆكراینا ژ ته‌وه‌رێن كۆمبوونێ بن.