ریكلامكرن بۆ شیرى قهدهغهیه
گاڤ
وهزارتا ساخلهمییا ههرێما كوردستانێ بڕیار دا ریكلامكرن بۆ شیرى و تهمامكهرێن خوارنێ ل ههمى نهخۆشخانهیان بهێته قهدهغهكرن.
وهزارهتا ساخلهمییا ههرێما كوردستانێ دیاردكهت، بڕیار ژ ئالیێ وهزیری ساخلهمیێ، د. سامان بهرزنجى ڤه دهرچوویه و دیاركریه، ریكلامكرن بۆ شیرى و تهمامكهرێن خوارنێ ل ههمى نهخۆشخانهیان قهدهغهیه و ههر نۆشدار و كارمهندهكێ سهرپێچیێ بكهت دێ ب توندى هێته سزادان، گۆتیه ژى باشتره رێنمایان بدهنه دایكان كو شیرێ خۆ بدهنه زاڕۆیێن خۆ.
ههر د بڕیاران دا هاتیه، ب ههمى شێوهیان قهدهغهیه چ جۆره شیرهتك یان تهمامكهرهكێ خوارنی ل نهخۆشخانهیێن ژ دایكبوونێ و بنگههێن ساخلهمیێ و سهنتهرێن ڤاكسینان ب وهلاتییان بهێنه دان.
ل گۆڕهیى وهزارهتێ نابیت نوینهرێن كۆمپانییان ل نهخۆشخانهیێن حكومى و نهحكومى و سهنتهرێن ڤاكسیندانا زاڕۆیان یان ژى ههر سازییهكا دى یا ساخلهمیێ ریكلامێ بۆ شیرى و تهمامكهرێن خوارنێ بكهت و ههر نۆشدار و كارمهند و فهرمانبهرهكێ ریكلامێ بۆ ههر كۆمپانییهكێ بكهت دێ رێكارێن توند یێن قانوونى ههمبهرى وى گرنه بهر و دێ هێته سزادان.
وهزارهتا ساخلهمیێ ئاشكراكریه ژى ههر خۆبهخشهك كار ل گهل كۆمپانییهكا شیرى یان تهمامكهرێن خوارنێ بكهت دێ دوماهى ب راژهیا وى هێت و دێ رێكارێن قانوونى ههمبهرى وى گرنه بهر.
ههروهسا دبێژیت: ب ههمى شێوهیان قهدهغهیه شیر و تهمامكهرێن خوارنێن زاڕۆیان ل كافیێن نهخۆشخانهیان بهێنه فرۆشتن و ریكلام بۆ ههر كۆمپانییهكا بهێتهكرن ل دهما سهرپێچیێ ژى دێ ب رێكارێن قانوونى دوماهى ب گرێبهستا وى هێت.
دوپاتكریه، ههر چالاكییهكا زانستى ژ ئالیێ كۆمپانییهكا شیرى یان تهمامكهرا خوارنێن زاڕۆیان بهێته رێكخستن، پێدڤییه رازهمهندییا پێشوهخت ژ وهزارهتا ساخلهمیێ پشكا چاڤدێرییا خوارنێ وهرگرتبیت و نابیت چ فهرمانبهرێن وهزارهتێ پشكداریێ د چالاكیێ دا بكهن و بهرۆڤاژى دێ رێكارێن قانوونى یێن توند ههمبهرى وان ههبن.
وهزارهتا ساخلهمیێ ل دوماهیێ دایه زانین، رێڤهبهرێ نهخۆشخانێ و بهرپرسێ كارگێرى یێن نهخۆشخانێ و بنگههێن ساخلهمیێ بهرپرسن ههمبهرى بجهئینانا ڤان خالان و بهرۆڤاژى دێ رێكارێن قانوونى ههمبهرى وان ههبن.