"نزيكى 37 یاداشتنامهیێن لێكتێكههشتنێ دناڤبهرا ئیراقێ و توركیا دا دێ هێنه ئیمزاكرن"
گاڤ
سوبههى دوشهمبییێ رهجهب تهیب ئهردۆگان سهرۆككۆمارێ توركیا دێ سهرهدانا ئیراقێ و پاشى ههرێما كوردستانێ كهت و دهێته چاڤهرێكرن 37 یاداشتنامهیێن لێكتێگههشتنێ دناڤبهرا ئیراقێ و توركیا د چارچووڤهیێ وێ سهرهدانێ دا بهێنه ئیمزاكرن.
ئهڤ چهنده ژ لایێ ژێدهرهكێ ڤه بۆ گاڤ هاته پشتراستكرن و دیاركر "د سهرهدانا فهرمى یا ئهردۆگانى دا سوبههى بۆ بهغدا دێ نزیكى 37 یاداشتنامهیێن لێكتێگههشتنێ دناڤبهرا ئیراقێ و توركیا دا هێنه ئیمزاكرن".
وى ژێدهرى دیار ژى كر "ژ گرنگترین یاداشتنامهیان، یاداشتنامهیا چارچووڤهیێ ستراتیژى یێ ههڤكاریێ یه دناڤبهرا ههردو وهلاتان دا".
ماجد لهجماوى بالیۆزێ ئیراقێ ل ئهنقهره دوهى شهمبییێ دیاركربوو "سهرهدانا ئهردۆگانى بۆ ئهنقهره دێ بۆ چارهكرنا كێشهیێن ههلاویستى دناڤبهرا ههردو وهلاتێن جیران دا هاریكار بیت".
یهشار گولهر وهزیرێ بهرگریێ یێ توركیا ل رۆژا چارشهمبیێ راگههاند بوو؛ ئهردۆگان ل دوشهمبیێ دێ سهرهدانهكا فهرمى بۆ ئیراقێ ئهنجامدهت كو دبیته ئێكهم سهرهدانا وى بۆ ئیراقێ ههر ژ سالا 2011.