ناڤهڕۆكا كۆمبوونا سهرۆككۆمارێن ئیراق و توركیا
گاڤ
سهرۆككۆمارێ ئیراقێ ل گهل سهرۆكێ توركیا كۆمبوو، باشتركرنا پهیوهندیێن ههر دو وهلاتان، ئالییهتا ههڤكاریێ د گهلهك واران دا دوپاتكر.
ئهڤرۆ ل كۆچكا كۆمارى یا ئیراقێ سهرۆككۆمارێ ئیراقێ عهبدوللـهتیف رهشید ل گهل رهجهب تهیب ئهردۆگان، سهرۆككۆمارێ توركیا كۆمبوو، پهیوهندیێن ناڤبهرا ههر دو وهلاتان مژارا كۆمبوونا وان بوو، چهندین پرسێن دى یێن گرێدایى پهیوهندییان، ئالییهتا ههڤكاریێ د ههمى وارهكى دا بهحسرن.
ههروهسا كۆچكا كۆمارى یا ئیراقێ دبێژیت: گرنگه چارهیێن گونجاى بۆ كێشهیێن ههلاویستى ب ئێمناهى، ئابۆر و ئاڤێ بهێنه دیتن و داخوازیێن ههر دو گهلێن ئیراق و توركیا ل بهرچاڤ بهێنه وهرگرتن.
ههر دو سهرۆكان دوپاتى ل گرنگییا شیانان بۆ پاراستنا سنۆران كر و ههروهسا رهوشا گوهۆڕینێن سهقایى و اڤێ ژى ل بهرچاڤ بهێته وهرگرتن و مفا ژ سهربۆرا توركیا د ڤى وارى دا بهێته وهرگرتن.
سهرۆكایهتیا كۆمارا ئیراقێ دوپاتكریه ههر دو سهرۆكان دوپاتى ل پشتهڤانییا غهزه و ل دژ راوهستیانا دژمنان كریه و پشتهڤانییا خۆ ژى بۆ فهلهستینێ راگههاند و خواست كۆمهلگهها نێڤدهولهتى ژى پشتڤانییا گههشتنا هاریكاریێن مرۆڤى بۆ غهزه بكهت.
دوماهى پێشهاتێن دهڤهرێ و گرنگییا راوهستاندنا شهڕ و ئالۆزییان و دانوستاندنێن گوتوبێژان بۆ كێشهیێن ههلاویستى ل دهڤهرێ ژى تهوهرێن دى یێن دانوستاندنان بوون.
ژ ئالیێ خۆڤه سهرۆككۆمارێ توركیا راگههاند، وهلاتێ وى ب گرنگ تهماشهیى ئاڤێ د بۆ ئیراقێ دكهت و دوپاتكر، ئهو ههڤكارن دڤى وارى دا ب رێكا لژنهیێن ههڤپشك، ههروهسا ئیراق ژى ب سهنتهرهكێ گرنگ بۆ بازرگانییا توركیا بناڤكر و ب باشتر ژى دیت پهیوهندیێن بازرگانى و ئابۆرى بهرهف پێش بچن.
رهجهب تهیب ئهردۆگان دازانین ژى پڕۆژێ رێكا گهشهپێدانێ بۆ دهڤهرێ و ههر دو وهلاتان گرنگه و توركیا دڤى وارى دا دێ پشتهڤانییا ئیراقێ كهت بۆ وێ یهكێ پڕۆژه ب زویترین دهم ب دوماهى بهێت و ئارمانجێن خۆ د وارێن ئابۆرى و گهشهپێدانێ دا دوپاتكر.