بهنكا ناڤهندى پتر ژ ملیارهك و 300 ملیۆن دۆلاران د حهفتییا بۆرى دا فرۆشتینه
گاڤ
بهنكا ناڤهندى یا ئیراقی پتر ژ ملیارهك و 300 ملیۆن دۆلاران د حهفتییا بۆرى دا فرۆشتینه و رێژهیا 95% ژێ ب شێوهیێ حهوالهیێن بۆ دهرڤه بوون.
بهنكا ناڤهندى د حهفتییا بۆرى دا ملیارهك و 348 ملیۆن و 235 هزار و 509 دۆلار فرۆشتینه، ئهڤ رێژهیه كێمتر بوو ژ حهفتییا بهرى وێ كو تێدا ملیارهك و 354 ملیۆن و 297 هزار و 9 دۆلار فرۆشتبوون.
تێكرایێ رۆژانه یێ فرۆشتنا دۆلارى ژ لایێ بهنكا ناڤهندى ڤه د حهفتییا بۆرى دا 276 ملیۆن و 847 هزار و 19 دۆلار بوون.
د حهفتییا بۆرى دا، بهنكا ناڤهندى ل چارشهمبییێ پترین رێژهیا دۆلارى فرۆشتبوو كو 282 ملیۆن و 624 هزار و 465 دۆلار بوون و ل ئێكشهمبییێ كێمترین رێژهیا دۆلارى فرۆشتبوو كو 270 ملیۆن و 897 هزار و 422 دۆلار بوون.
ژ سهرجهمێ دۆلارێ بهنكا ناڤهندى د حهفتییا بۆرى دا فرۆشتى، رێژهیا 95% ژێ كو دبنه ملیارهك و 317 ملیۆن و 475 هزار دۆلار ب شێوهیێ حهوالهیێن بۆ دهرڤه ژ بۆ پارهداركرنا بازرگانییا دهرڤه بوون.
ههروهسا 66 ملیۆن و 760 هزار دۆلار ب شێوهیێ كاش ژ لایێ بهنكا ناڤهندى ڤه د حهفتییا بۆرى دا هاتینه فرۆشتن.