دادگهها فيدرالى سكالايا ل سهر هنارتنا 200 مليار ديناران ههيڤانه بۆ ههرێما كوردستانێ رهتكر
گاڤ نيوز
دادگهها فيدرالى يا ئيراقێ ئهڤرۆ رۆژا دوشهمبيێ سكالايهكا ل دژى ههرێما كوردستانێ هاتيه تۆماركرن رهتكر.
ل گۆرهى زانياريان؛ دادگهها فيدرالى يا ئيراقێ سكالايا جهواد كازم عهلوان ل سهر هنارتنا 200 مليار ديناران ههيڤانه بۆ ههرێما كوردستانێ رهتكر.
حكومهتا موستهفا كازمى ل ههيڤا خزيرانا 2021ێ بڕيارا ڤرێكرنا 200 مليار ديناران ههيڤانه وهك شايستهيێن ههرێما كوردستانێ دابوو.
جهواد كازم عهلوان ژ بهرى نوكه سكالايهك ل سهر موستهفا كازمى سهرۆكوهزيرێ ئيراقێ ژ بهر هنارتنا 200 مليار ديناران ههيڤانه وهك سلفه بۆ ههرێما كوردستانێ تۆماركربوو و دادگههێ حوكمێ وێ ل 16ى خزيرانا بۆرى ژ بۆ ئهڤرۆ 18ى تيرمههێ پاشئێخستبوو.
جڤاتا بلند يا نهفت و غاز يا ههرێما كوردستانێ ژ بهرى نوكه راگههاند بوو كو د شهش ههيڤێن دهستپێكى يێن سالا 2022 دا، حكومهتا ئيراقێ ب تنێ دو ههيڤان 200 مليار ديناران بۆ ههرێمێ هنارتينه كو سهرجهمێ وێ دبيته 400 مليار دينار.
ديار ژى كربوو كو حكومهتا ههرێمێ ژ داهاتێ فرۆشتنا پهترۆلێ و داهاتێ ناڤخۆ مووچهيێن فهرمانبهرێن ههرێمێ دابينكرينه.