گاڤ نیوز

سه‌رۆكێ ده‌سته‌یا وه‌به‌رهێنانێ راگه‌هاند، ل جهێن بوتلێن غازێ دێ ب بۆڕیان غاز بۆ مالان هێته‌ كێشان و دێ ل گۆرى ستانداردێن جیهانى بیت.

محه‌مه‌د شوكرى، سه‌رۆكێ ده‌سته‌یا وه‌به‌رهێنانێ د دیداره‌كێ دا ل گه‌ل فه‌رمانگه‌ها میدیا و زانیارى یا حكومه‌تا هه‌رێما كوردستانێ راگه‌هاند، مۆله‌تا گه‌هاندنا غازێ ب بۆڕیان بۆ مالان هاتیه‌ دان و ب دو قۆناغان دێ هێته‌ بجهئینان.

گۆتژى، ل قۆناغا ئێكێ دێ عه‌مبارێن غازێ هێن دروستكرن و ل قۆناغا دوێ ده‌ستنیشانكرنا كۆمپانیانه‌ و ل پاشه‌رۆژێ ژى هه‌رێما كوردستانێ دێ ده‌ستان ژ بوتلێ غازێ به‌رده‌ت و دێ ل گۆرى ستاندارێن جیهانى غاز دێ گه‌هیته‌ مالان.

هه‌روه‌سا ئاشكراكر، ئه‌ڤه‌ د به‌رژه‌وه‌ندا وه‌لاتیان دایه‌ و ب رێكا وه‌به‌رهێنانێ حكومه‌تا هه‌رێما كوردستانێ دێ سه‌رپه‌رشتیا پرۆسێ كه‌ت.