گاڤ نیوز

ل بریتانیا گومان هەنە رۆسیا تەلەفۆنا سەرۆکوەزیرا بەرێ هاک کربیت و حکومەتێ داخوازا لێکۆلینێن بلەز کریە.

رۆژنامەیا دەیلی مەیل یا بریتانی ئاشکرا کر: مۆبایلا لیز ترەس، سەرۆکوەزیرا بەرێ یا بریتانیا ل دەما ئەو وەزیرا دەرڤە د حکومەتا بۆریس جۆنسۆنی دا، ژ ئالیێ ژمارەکا هاککەران ڤە هاتیە هاککرن و چەندین نهێنیێن گرێدایی پەیوەندیێن ترەسێ ل گەل وەزیرێن دەرڤە یێن وەلاتێن دی یێن گرێدایی چەوانیا هاریکاریا ئۆکراینا د شەڕێ دژی رۆسیا دا ئاشکرا بووینە.

ژێدەری هەروەسا دیار کریە: گومان هەنە ئەو هاککەر نێزیکی ڤلادیمێر پۆتین، سەرۆکێ رۆسیا بن و نهێنیێن بترس گەهشتبنە دەستێ رۆسیا.

حکومەتا نوی یا بریتانیا ب سەرۆکاتیا ریشی سووناک داخوازا لێکۆلینێن بلەز کریە و پارتیێن لیبرال و کرێکاران یێن بریتانی بابەت ب "گەلەک بترس" و "جهێ دلگرانیێ" ناڤ کریە.