سەرۆکوەزیرێ نوی یێ بریتانیا نامەیەک بۆ سەرۆکوەزیرێ نوی یێ ئیراقێ هنارت
11/12/2022 - 11:14
گاڤ
سەرۆکوەزیرێ نوی یێ بریتانیا نامەیەک بۆ سەرۆکوەزیرێ نوی یێ ئیراقێ هنارت و تێدا پشتەڤانیا خۆ بۆ هەڤکاریا هەردو وەلاتان دیار کر.
نڤیسینگەها راگەهاندنا سەرۆکوەزیرێ ئیراقێ د بەیانەکێ دا راگەهاند؛ ئەڤرۆ سپێدێ ریشی سۆناک، سەرۆکوەزیرێ نوی یێ بریتانیا نامەیەکا پیرۆزباهیان بۆ محەمەد سوودانی هنارتیە و تێدا دوپاتی ل گرنگیا بەردەوامبوونا هەڤکاریا هەردو وەلاتان کر، هەروەسا دوپاتی ل بەرهنگاربوونا تیرۆرێ و رێگری ل دوبارە سەرهلدانا داعشێ ژی کر.
هەروەسا هاتیە، ریشی سۆناک پێگریا وەلاتێ خۆ بۆ کارکرنێ ل گەل ئیراقێ د بوارێن ئابۆری، گەشەپێدانا کەرتێ تایبەت و پشتەڤانیا سەقامگیریێ دیار کر و پشتەڤانیا وەلاتێ خۆ ژی بۆ چاکسازیان ل ئیراقێ دیار کر.