فرەنسا و ئەمریکا هێرشا مۆشەکی یا ئیرانێ شەرمزار کر
بەلاڤ بکە
گاڤ
وەزارەتێن دەرڤە یێن ئەمریکا و فرەنسا بەیان دەبارەی هێرشا مۆشەکی یا ئیرانێ ل سەر ئاخا هەرێما کوردستانێ بەلاڤ کرن و ئەو هێرشە شەرمزار کر.
نێد پرایس، پەیڤدارێ وەزارەتا دەرڤە یا ئەمریکا ئەڤرۆ سپێدێ راگەهاند؛ ئیران ب بەردەوامی و بێشەرمانە ئاخا ئیراق و هەرێما کوردستانێ دکەتە ئارمانج، پێدڤیە ئەو هێرشە بهێنە راوەستاندن.
هەروەسا راگەهاند؛ ویلایەتێن ئێکگرتی یێن ئەمریکا پشتەڤانیا حکومەتێن بەغدا و هەولێرێ دکەت بۆ پاراستنا سەقامگیریا دەڤەرێ.
ژ ئالیێ خۆڤە ژی وەزارەتا دەرڤە یا فرەنسا راگەهاند؛ ئەڤ جۆرە هێرشە گەفن ل سەر سەروەری و یاسایێن نێڤدەولەتی، هەروەسا سەقامگیریا ئیراق و دەڤەرێ تێکددەن و پێدڤیە بهێنە راوەستاندن.
وەزارەتا دەرڤە یا فرەنسا د بەیانا خۆ دا پشتەڤانیا خۆ ژی بۆ هەرێما کوردستانێ دیار کریە و خواستیە رێز ل ئێکپارچەیی و سەروەریا ئیراقێ بهێتە گرتن.
