هەلگۆرد قەهار

سان سیمون زانایەکێ فرەنسی بوو و ژ تەخا برجواز، فورییە بازرگانەکێ مەزنێ فرەنسی بوو، روبرت ئوین خودانێ چەندین کارگەهێن پێشەسازی بوو ل بریتانیا، ئەڤ هەرسێ زانایە سەرمایەداربوون، لێ داخاوازا لادانا سیستەمێ سەرمایەداریێ ل وەلاتێن خو دکر، چنکو دەما روبرت ئوینی سەرەدانا ئەمریکا کری گۆت:

"جوداهی د ناڤبەرا مە و ئەمریکا دا بۆ رەگەزپەرستیێ ئەوە مروڤێن پیست سپی مروڤێن پیست رەش دکەنە کوێلە، لێ ئەمێن پیست سپی مروڤێن پیست سپی دکەینە کوێلە"

سەرمایەداری ئانکو قازانج، ئەو بدروستی سیاسەتا میکیافیلی بەرجستە دکەن( الغایە تبرر الوسیلە) هەر تشتێ تۆ بکەی دروسته، بلا یێ دویر بیت ژ هەمی رەوشتێن مرۆڤایەتی و جڤاکی و ئاینی گرنگ دێ چ قازانج کەی.

ل وەلاتێن پێشکەفتی یێن سەرمایەداری بوویە سیستەمێ ب رێڤەبرنا وان، مرۆڤێن بەرپرس تێکەلی کارێ بازرگانی نابن، ئانکو سیاسەتمەدار و بازرگان چ جار ناچنە دئێک چەپەردا، لەورا چینا کرێکار مرۆڤێن سیاسی ب هەڤچەپەرێن خو دبینن و بەرەڤانیێ دژی سەرمایەدارا دکەن.

ئەڤا ئەڤرۆ ل دهۆکێ چێدبیت، بەروڤاژی یە، ئەو کۆمپانیێن سیستەمێ غازێ دانن دەستویرداینە و کارێن خو ب یاسایی دکەن، شنی دەستهەلات خودانێن نانپێژیا سزابدەن، ئەڤەکارەکێ شاشە و درێسایێن جڤاکی و دینی دا کەس نەمەجبورە سزایێ خەلەتیا ئێکێ دی بدەت.

سزادان نەئەو بتنێ یە تۆ ئێکی زیندان کەی، جورێ سزادانا مادی ئێک ژ ب ئێشترین سزایایە، پشت راستم سیستەمێ غازێ بەلاش نەهاتیە دانان، چ گونەها خودانێ فرنێ یە سیستەم نەیێ دروست بیت، کی دێ قەرەبویاوی دەت؟

ئەگەر هوین راست دبێژن وان سەرمایەداران ئاگەهداربکەن هەمی سیستەمان راکەن و پارێن ژ نانپێژان ژی وەرگرتین بۆ سیستەمی بزڤرینن.

چارەسەری و پێشنیار..

دبیت چارەسەریەکا مەنتقی ل دەفمن و گەلەک ژ هەوە نەبیت..

چنکو گاز یاگرانە و پشت راستم بۆ خودانێن نانپێژیان ناهێتە بەرک ڤە.

قەنینێن غازێ ژی دێ گەلەک کێشێن دی پەیداکەن، چنکو ئەڤە سێ روژە ئەز بۆ مال ل هیڤیا غازێ نەهاتیە و نینە.

  لێ پێشنیارا من لگەل نوینەرێن نانپێژان بروینە خوارێ و بزاڤێ بکەن ژ گازا لبەردەستێ هەوە هەی هاریکاریا وان بکەن.

هزرێ د هندێ دا نەکەن دێ وان فرێکەنەماڵ چنکو دورکهایم زانایەکێ کومەلناسی یە دبێژیت( چ داگیرکرن وەلاتا خراب ناکەن لێ هاوسەنگیا دناڤ بەرا تەخ و چینان دا وەڵلاتان وێران دکەت).

هیڤیدارم ئەزێ خەلەت بم لێ ئەز بخو هوسا هزر دکەم ل دەمەکێ نێزیک هندەک سەرمایەدارێن بەرپرس دێ دانانا سیستەمێ غازێ گرنەدەست و ئەو دێ وەکی وان دڤێت سەرەدەریێ دگەل نانپێژان کەنەڤە.