گاڤ
گەنجەکێ ئیرانی پشتی خوسارەتا هەلبژارتیێ وان د مۆندیالێ دا ل هەمبەری هەلبژارتیێ ئەمریکا ئاهەنگ گێران و پۆلیسان تەقە لێ کر و کوشتیە.
رێکخراوێن مافێن مرۆڤی ل ئیرانێ راگەهاند؛ مەهران سەماک یێ 27 سالی ل شەڤا خوسارەتبوونا هەلبژارتیێ ئیرانێ هەمبەری هەلبژارتیێ ئەمریکا و دەرکەفتنا وان ژ مۆندیالێ، پشکداری ئاهەنگێن کەیڤخۆشیێ ببوو و ل دەمێ ڤەگەریانێ بۆ مال ل باژێرێ بەندەر ئەنزلی ل باکۆرێ رۆژئاڤایا ئیرانێ ژ ئالیێ هێزێن ئەمنی ڤە هاتیە ئارمانجکرن.
رێکخراوان دیار کر کو گۆلەیەکا هێزێن ئەمنی ب سەرێ وی کەفتیە و ئێکسەر ژیانا خۆ ژ دەست دایە.
سەعید عزەت، یاریکەرێ هەلبژارتیێ ئیرانێ کو پشکداری مۆندیالێ ببوو و خەلکێ باژێرێ بەندەر ئەنزلی ل سەر سۆشیال میدیایێ وێنەیەکێ خۆ و وی گەنجێ هاتیە کوشتن بەلاڤ کریە و ل سەر نڤیسیە، مەهران هەڤالێ وی یێ بچیکاتیێ بوو، هەروەسا نڤیسیە، رۆژەکێ دێ ماسک کەڤن و راستی ئاشکرا بیت.