ژن هێزا پێشڤهبرنا جڤاكی یه
دناڤ جڤاكێن پێشكهفتی دا جوداهی دناڤبهرا ژن و زهلامان دا ناهێته كرن ژبهركو ژن شیایه ب دروستی ڕولێ خۆ بگێریت و كارێن خۆ یێن سیاسی و ئابووری و جڤاكی و حكومی ب دروستی ب رێڤهببهت ل ههر بوارهكێ و جههكێ كار بكهت شوین تبلێن خۆ دروست بكهت و خۆ ئاڤا بكهت و جڤاكی هشیار بكهت ، ههر جڤاكهكێ هشیار بیت و رێزێ ل شیانێن ئافرهتێ بگریت ئهو جڤاك چ جاران ناكهڤیت و بهردهوام دێ بهرهڤ پێش ڤه چیت و ئاڤاكرنهكا ساخلهم بخۆ ڤهبینیت. دڤێ چارچووڤهی دا من دڤێت دهڤهرا شێخان كو هژمارهكا مهزنا ئاینێن جودا تێدا ههنهو ب باژێرێ پێكڤه ژیانێ هاتیه ناسكرن و چهندین ساله ئهڤ پێكڤه ژیانه بۆیه هێڤێنی ئارامیا دهڤهرێ و ژنێن ههموو ئاینا پێكڤه كاردكهن و خزمهتا جڤاكی و مرۆڤایهتیێ دكهن و ئاین و هزرێن جودا نهبووینه رێگر ههمبهر پێكڤه كاركرنا ژنان و بلند كرنا ئاستێ رۆشنبیریا جڤاكیا پێكڤه ژیانێ ،ئهگهر دهلیڤه بۆ ژنێن دهڤهرێ بهێته رهخساندن گهلهك ب باشی دێ شێن كارێ خۆ كهن و پێدڤیه ژبلی كهرتێ گشتی كهرتی تایبهت ژی خۆ ل ژنان پتر بكهت خودان بۆ وێ چهندێ ژن بشێت كارهكێ ئازاد و سهربهخۆ بكهت تایبهت د بوارێ ئابووری و بازرگانی دا كاركرنا ئافرهتێ نهبیته سهدهم خێزانهك خراپ ببیت بهلكو ل سهر رێكا راست بیت كو ئاڤاكرن و بهرهڤ پێش برن و باشتركرنا رهوشا ئابووریا خێزانێ و جڤاكی بیت و هاریكاریهك بیت بۆ زهلام و ههڤژین و باب و برا ، پێدڤیه ژ ئهڤرۆ پێڤه جهێ رێگری بۆ ژنان بهێته دروست كرن رێك بۆ بهێنه خۆشكرن ئافرهتێ شیانێن گهلهك باش ههیه شیایه ل دهمێ بووری ههتا ئهڤرۆ وێ چهندێ ب باشی نیشا جڤاكی بدهت كو شیانێن باش ههنه بهلێ رێگری جارا ژنێ ساردكهن ، ئهڤرۆ ل كوردستانێ ژن ل ئاستێن گهلهك بلند كاروبارێن وهلاتی ب رێڤه دبهن و شیانه خۆ ئاڤا بكهن ئهڤ چهنده دمینیت لسهر ئاستێ رۆشنبیریا تاك و خێزان پێدڤه رێكخراوێن مافی مرۆڤان پتر كار لسهر ڤێ چهندێ بكهن كو جڤاك بهێته هشیاركرن و ژن پتر رولێ خو بینیت ژ ئاڤا كرنا خوهو جڤاك و خێزانا خوه ، جهێ توندوتیژیێ بهرامبهر ژنان بكهن ئاستهنگا بۆ دروست كهن ، دهلیڤێ بدهنێ كار بكهت خۆ ئاڤا بكهت ههتا ژن ئازاد نهبیت ژیان ب دروستی ب رێڤه ناچیت و ئارامیا جڤاكی ژی دێ بهردهوام د مهترسیێ دابیت ، جڤاكێن پێشكهفتی ئافرهتان بلند دكهن پێدڤیه ژنا كورد ژی زێدهتر رێگری لێ نههێت كرن و بشێت خۆ ئاڤا بكهت ئهگهر ئاستهنگ ژی نهبن ژنێ شیانێن باش ههنه كو خۆ ئاڤا بكهت.