وه‌زاره‌تا ساخله‌ميێ بڕياره‌كا نوى بۆ به‌رسينگگرتنا ڤايرۆسێ كۆرۆنايێ ده‌ركر
01/08/2023 - 17:12
بەلاڤ بکە
گاڤ
وه‌زاره‌تا ساخله‌ميێ بڕياره‌كا نوى بۆ به‌رسينگگرتنا خۆگۆهۆڕێ نوى يێ ڤايرۆسێ كۆرۆنايێ يێ ل چينێ به‌لاڤبووى ده‌ركر.
د گشتاندنه‌كا وه‌زاره‌تا ساخله‌ميێ ئه‌ڤرۆ ئێكشه‌مبيێ بۆ رێڤه‌به‌ريێن ساخله‌ميێ ل پارێزگه‌هان و ئيداره‌يێن سه‌ربخۆ دا هاتيه؛ ژ به‌ر سه‌رهلدانا خۆگوهۆڕه‌كێ نوى يێ ڤايرۆسێ كۆرۆنايێ ل كۆمارا چينێ يا مللى و ب پشتبه‌ستن ب راپۆرتێن نێڤده‌وله‌تى و يێن WHO، ژماره‌يه‌كا وه‌لاتان رێكارێن خۆپارێزيێ بۆ وان كه‌سێن ژ چينێ ڤه‌دگه‌ڕن راگه‌هاندينه.
تێدا هاتيه ژى؛ ژ بۆ ڤێ چه‌ندێ ل هه‌رێما كوردستانێ ژى، پێدڤيه هه‌ر كه‌سێ ژ چينێ بزڤڕيت به‌لگه‌يا پشكنينا كۆرۆنايێ PCR يا نێگه‌تيڤ ل ده‌مێ 72 ده‌مژمێران ژ به‌رى هاتنا وان بۆ هه‌رێما كوردستانێ ل گه‌ل دا هه‌بيت.
ديار ژى كريه؛ ئه‌ڤ بڕياره هه‌ر ژ رۆژا 15/1/2023 دێ هێته بجهئينان.
