بهغدا 60 تانكهرێن گازا سپى بۆ ههرێما كوردستانێ هنارتن
گاڤ
وهزارهتا سامانێن سرۆشتى يا حكومهتا ههرێما كوردستانێ گههشتنا دو مليۆن ليترێن گازا سپى ژ بهغدا بۆ ههرێما كوردستانێ راگههاند.
د بهيانهكا وهزارهتێ دا هاتيه؛ حكومهتا فيدرالى ئهڤرۆ شهمبيێ دو مليۆن ليترێن گازا سپى كو دبنه 60 تانكهر بۆ ههرێما كوردستانێ هنارتن و ئهڤ چهنده نه ل سهر داخوازيا چ لايهنێن سياسى بوو.
ديار ژى كريه؛ پشتى سهرهدانا سهرۆكوهزيرێ ههرێمێ بۆ بهغدا ئهڤ گازه هاتيه هنارتن.
ئاماژه دايه وێ چهندێ ژى؛ 2 مليۆن ليتر ب ههڤبهركرن ل گهل پێدڤياتيا راستهقينه يا ههرێما كوردستانێ بۆ گازا سپى كو 254 مليۆن ليترن گهلهك يا كێمه چونكى مليۆنهك و 274 خێزان ل ههرێما كوردستانێ ههنه.
وهزارهتێ ئاشكرا ژى كر كو تا نوكه وان پتر ژ 64 مليۆن ليترێن گازا سپى ل دهڤهرێن چيايى ب بهايێن پشتهڤانيلێكرى بهلاڤكرينه و دێ ئهو وان دو مليۆن ليترێن گههشتين ب ههماههنگى ل گهل پارێزگههان و ئيدارهيێن سهربخۆ ل سهر كهسێن پێدڤى و ههژاران دابهش كهت.
بهيانێ خۆيا ژى كريه؛ پرۆسێسا دابهشكرنا گازا سپى ل دهڤهرێن چيايى ب دويماهيك هاتيه و دهست ب بهلاڤكرنا وێ ل دهڤهرێن دهوروبهرێن وێ هاتيه كرن.