سودانى: به‌غدا و هه‌ولێر دانوستاندنێ ل دۆر یاسایا پترۆل و غازێ دكه‌ن
02/07/2023 - 21:22
بەلاڤ بکە
گاڤ
سه‌رۆك وه‌زیرێ ئیراقێ راگه‌هاند، ئه‌و پێگیرن ب دانانا یاسایا پترۆل و غازێ و گۆت ژى، دانوستاندن دناڤبه‌را هه‌رێمێ و به‌غدایێ دا ل دۆر ڤێ پرۆژه یاسایێ هه‌نه.
د كۆنگره‌یه‌كێ رۆژنامه‌ڤانى دا ئه‌ڤرۆ سه‌رۆكوه‌زیرێن ئیراقێ محه‌مه‌د شیاع سودانى راگه‌هاند، یاسایا پترۆل و غازێ ئێك ژ یاسایێن گرنگ و پابه‌ندیێن حكومه‌تێ یه، گۆت ژى د نها دا پرۆژه یاسایا پترۆل و غازێ دناڤبه‌را وه‌زاره‌تێن پترۆلا فیدرالى و سامانێن سروشتى یا هه‌رێمێ كوردستانێ دا دانوستاندن لسه‌ر دهێته كرن.
سودانى نه‌ڤه‌شارت ژى كو ئێك ژ ناكۆكیێن سه‌ره‌كى دناڤبه‌را هه‌ولێر و به‌غدایێ دا یاسایا پترۆل و غازێ یه و گۆت: د خۆلێن بۆرى یێن حكومه‌تێ و په‌ڕلمانى دا رێكه‌فتن لسه‌ر دارشتنا دویماهیێ یا وێ یاسایێ نه‌هاتیه كرن.
