"هه‌رێما كوردستانێ نزيكى 20 ته‌نێن ده‌رمان و پێدڤياتيێن نوشدارى ره‌وانه‌ى توركيا كرينه"
بەلاڤ بکە
گاڤ
هه‌رێما كوردستانێ تا نوكه نزيكى 20 ته‌نێن ده‌رمان و پێدڤياتيێن نوشدارى ره‌وانه‌ى توركيا بۆ هاريكاريا قۆربانيێن ئه‌ردهه‌ژا رۆژا دوشه‌مبيا بۆرى كرينه.
د. سامان به‌رزنجى وه‌زيرێ ساخله‌ميێ ئه‌ڤرۆ پێنجشه‌مبيێ راگه‌هاند؛ هه‌رێما كوردستانێ دو گه‌ڕێن هاريكاريێن نوشدارى كو دبنه نزيكى 20 ته‌نان ژ ده‌رمان و پێدڤياتيێن نوشدارى و ساخله‌ميێ تا نوكه ره‌وانه‌ى توركيا بۆ هاريكاريا زيانڤێكه‌فتيێن ئه‌ردهه‌ژێ كرينه.
ل دۆر پێشكێشكرنا هاريكاريان بۆ سووريا ژى دياركر؛ ئه‌م كار ل سه‌ر ڤرێكرنا هاريكاريان بۆ سووريا ژى دكه‌ين، لێ ئه‌م د ڤێ چه‌ندێ دا رويبروى ئاسته‌نگان بووينه.
ئاشكرا ژى كر؛ هه‌رێما كوردستانێ دێ د رۆژێن بهێت دا هاريكاريێن پتر ره‌وانه كه‌ت.
حكومه‌تا هه‌رێما كوردستانێ د ده‌مه‌كێ دى دا ژ ئه‌ڤرۆ ڤرێكرنا ب ده‌هان نوشدار و كادرێن ساخله‌ميێ زێده‌بارى لۆريێن پێدڤياتيێن نوشدارى بۆ توركيا راگه‌هاند بوو.
